ශ්‍රී ලංකාව මේ වසරේ අවසාන කාර්තුවේදී ජනාධිපතිවරණයකට මුහුණ දීමට නියමිත අතර පාර්ලිමේන්තු මැතිවරණය ලබන වසරේ මැද භාගයේදී පැවැත්වීමට නියමිතය.
කෙසේ වෙතත්, ජනතාව අතර අප්‍රසාදයට පත්ව ඇති වත්මන් IMF සම්බන්ධිත ප්‍රතිසංස්කරණ ආපසු හැරවීමට විරුද්ධ පක්ෂ ප්‍රතිඥා දී ඇති බැවින් රට තුළ දේශපාලන අවිනිශ්චිතතාවයක් පවතින බව PTI වාර්තාව පවසයි.
මේ අතර ඩොලර් බිලියන 2.9 ක පහසුකමකට ජාත්‍යන්තර මූල්‍ය අරමුදල (IMF) ප්‍රතිසංස්කරණ නිර්දේශ සමඟ රට යථා තත්ත්වයට පත් කිරීමේ වැඩපිළිවෙළ මෙහෙයවූ ජනාධිපති රනිල් වික්‍රමසිංහ, ඉදිරියේදී කවර දේශපාලනික ත්තවයන් හමුවේ වුව ජාත්‍යන්තර මූල්‍ය අරමුදලේ වැඩසටහනට අනුකූල කටයුතු නොකළහොත්, රට නැවත වරක් ආර්ථික කඩාවැටීමට ලක්විය හැකි බව පසුගියදා පෙන්වා දී තිබිණි.
ශ්‍රී ලංකාව මුහුණ දී සිටින ආර්ථික අවදානම් ගෙනහැර දක්වමින් ආසියානු සංවර්ධන බැංකුව ඊයේ නිකුත් කළ දකුණු ආසියානු පරිච්ඡේදයේ ආර්ථික ප්‍රවණතා වාර්තාවේ සඳහන් කර ඇත්තේ වඩාත් වැදගත් වන්නේ මූල්‍ය ප්‍රතිපත්ති සහ ප්‍රතිසංස්කරණ ක්‍රියාත්මක කිරීම කෙරෙහි ඇතිවිය හැකි බලපෑම් ඇතුළු ඉදිරි මැතිවරණ හා සම්බන්ධ අවිනිශ්චිතතාවයි.
ශ්‍රී ලංකාව තුළ ආර්ථික ප්‍රකෘතිමත් වීමේ සලකුනු දක්නට ලැබෙන අතර නැගී එන වර්ධනය 2023 දෙවන භාගයේදී යළි පණ ගැන්වී ඇති අතර එය 2024 සහ 2025 වසරවලද පවතිනු ඇතැයි අපේක්ෂා කරන බව ආසියානු සංවර්ධන බැංකුව සඳහන් කරයි.
උද්ධමනය 2022 හි 70% උපරිමයෙන් පසුව, ගිය වසරේ තනි ඉලක්කමකින් අඩු වූ අතර 2024 සහ 2025 දී සියයට 5 ආසන්න මට්ටමක පවත්වගෙන යෑමේ අභියෝග ද දරිද්‍රතාවයේ අවදානමට පිළියම් යෙදිය යුතු බව ද වාර්තාව පවසයි. ඉදිරි මැතිවරණ මත ආර්ථික අර්බුදයට විසඳුම් සෙවීමට අවශ්‍ය ප්‍රතිසංස්කරණ ප්‍රමාද නොකළ යුතු බව අවධාරණය කරයි. ණය ප්‍රතිව්‍යුහගත කිරීමේ ගිවිසුම් සම්පූර්ණ කිරීම ප්‍රමාද කිරීම්, ප්‍රධාන නීති සම්පාදනය කිරීම් මැතිවරණ නිසා අඩාල විය හැකි බවට අනතුරු හඟවයි.
2023 මාර්තු සහ දෙසැම්බර් මාසවලදී ඇමෙරිකානු ඩොලර් මිලියන 330 බැගින් වූ කොටස් දෙකක් නිකුත් කරන ලද්දේ ගෝලීය ණය දෙන්නා (IMF) මෙරට සාර්ව ආර්ථික ප්‍රතිපත්ති ප්‍රතිසංස්කරණ සඳහා ප්‍රශංසා කළ අතර එය පල දැරීමට පටන් ගෙන ඇති බව ද පෙන්වා දී තිබිණි.
-P.M
