ඒ අනුව පොලිස් විශේෂ කාර්ය බළකායේ අධීක්ෂණය යටතේ විශේෂ පුහුණුව ලබන මෙම කණ්ඩායම විශේෂ ප්‍රහාරක යතුරු පැදි කණ්ඩායමක් බවත් පොලිස් දෙපාර්තමේන්තුව තුළ ඇති සුවිශේෂ දක්ෂතා ඇති නිලධාරීන් මෙම ඒකකයට ඇතුළත් කිරීමට කටයුතු යොදා ඇති බවත් එහි ජ්‍යෙෂ්ඨ පොලිස් නිලධාරියකු විසින් පවසා තිබේ.
තවද එම නිලධාරියා පවසා සිටියේ පාතාල කණ්ඩායම්, වෙඩික්කරුවන් හඹා ගොස් ක්ෂණික ප්‍රතිචාර දැක්වීම ඇතුළුව විශේෂ පුහුණුවක් මෙම කණ්ඩායම්වලට ලබාදෙන බවය.
එමෙන්ම මෙම කණ්ඩායමට විශේෂිත නිල ඇඳුමක්ද ලබාදීමට නියමිත බවත් එම නිලධාරියා පවසයි.
මෙම යතුරු පැදි ප්‍රහාරක කණ්ඩායම් කොළඹ උතුර, කොළඹ දකුණ හා කොළඹ මධ්‍යම යන කොට්ඨාශවලට මූලික අදියරේදී යෙදවීමට නියමිතය.
