57 වැනි වරට පැවැත්වෙන ජාතික අලුත් සහල් මංගල්‍යයේදී පසුගිය වසරේ මහ කන්නයේ දී ලබා ගත් වී අස්වැන්නෙහි අග්‍රස්ත කොටස ජය ශ්‍රී මහා බෝ සමිඳුන්ට පූජා කිරීමට නියමිතයි.
අලුත් සහල් මංගල්‍යයේ දී දිවයිනේ සෑම ගොවිජන සේවා මධ්‍යස්ථානයකින්ම එකතු කරන ලද සහල් ජය ශ්‍රී මහා බෝ සමිඳුන්ට පූජා කිරීම සඳහා දිවයින පුරා ගොවි ජනතාව අනුරාධපුරයට පැමිණෙනු ඇත.
එළඹෙන යල කන්නයේ අස්වනු සරුසාර කර ගැනීමට මෙන්ම, මෙම වර්ෂය පුරාම කලට වේලාවට වර්ෂාව ලැබ සහල් ඇතුළු සියලු ධන ධාන්‍යයෙන් රටට ලැබෙන අස්වැන්න වැඩි වී, ගොවි ජනතාව මෙන්ම රටේ සියලුම ජනතාවට පාරිභෝජනය සඳහා අවශ්‍ය ආහාර නිෂ්පාදනය කිරීමට ආශිර්වාද ලබා ගැනීම අලුත් සහල් මංගල්‍යයේ අරමුණයි.
-P.M
