ජනාධිපති රනිල් වික්‍රමසිංහගේ සංකල්පයකට අනුව ජනාධිපති කාර්ය සාධක බළකායේ මඟපෙන්වීමෙන්, කොළඹ නාගරික කොමසාරිස්වරිය ජේ.එම්. භද්‍රානි ජයවර්ධනගේ උපදේශකත්වයෙන් මෙම
නව වැඩසටහන ජනගත කිරීමේ උත්සවය කොළඹ මහා නගර සභා පරීශ්‍රයේ දී පැවැත්විණි.
රටේ පුරවැසියන් මෙන්ම දෙස් විදෙස් ආයෝජකයින් තම මූලික කටයුතු සඳහා පැමිණෙන, රටේ මෙන්ම ආර්ථිකයේ ජීවනාලියවන් කොළඹ නගරය තුළ මෙම වැඩසටහන් ක්‍රියාත්මක කිරීම මඟින් ජනතාවට විනිවිදභාවයෙන් සහ කාර්යක්ෂමව තම කටයුතු ඉටු කරගැනීමට හැකිවන අතර, ආර්ථිකය තව තවත් ශක්තිමත් කිරීමට තොරතුරු තාක්ෂණය ඩිජිටල්කරණය කිරීම අත්‍යවශ්‍ය කාරණයක් බව කොළඹ නාගරික කොමසාරිස්වරිය ජේ.එම්. භද්‍රානි ජයවර්ධන අවධාරණය කරන්නීය.
මෙම මාර්ගගත ක්‍රමය ඔස්සේ නගර වැසියන්ට අවශ්‍ය ඉදිකිරීම් බලපත්‍ර, ඉඩම් අනුබෙදුම්/ඒකාබද්ධ කිරීමේ බලපත්‍රවලට අදාළ අයදුම්පත් සහ අනෙකුත් අදාළ ලියකියවිලි https://Apply.colombo.mc.gov.lk යන වෙබ් අඩවිය ඔස්සේ අයදුම් කළ හැක.
මේ සඳහා අදාල වෙබ් අඩවියට පිවිස තමන්ගේම ගිණුමක් ඇරැඹුමෙන් පසු අවශ්‍ය මිනින්දෝරු සැලසුම් අනුමත කිරීමට, ඉදිකිරීම් බලපත්‍ර ලබා ගැනීමට, ඉදිකිරීම් බලපත්‍ර අලුත් කිරීමට සහ අනුකූලතා සහතික නිකුත් කිරීමට අවශ්‍ය ලියකියවිලි කොළඹ මහා නගර සභාව වෙත ඉදිරිපත් කිරීමට හැකි වේ.
