විශේෂයෙන්ම අලුත් අවුරුදු දිනයේ සහ ඉන් පසු දිනයේ සිදුවන අනතුරුවල කැපී පෙනෙන වැඩි වීමක් දක්නට ලැබෙන අතර කුඩා දරුවන් හා තරුණයින් වැඩි වශයෙන් මෙම අනතුරු වලට මුහුණදෙන බව වෛද්‍යවරුන් සදහන් කරයි.
සෑම වසරකම අවුරුදු සමය යනු අනතුරු බහුල සමයක් වන අතර අවුරුදු ක්‍රීඩා සිදු කිරීමේදී, රිය පැදවීමේදී හා ගිනිකෙළි භාවිතයේදී තමන්ගේ ආරක්ෂාව පිළිබඳ දැඩි අවධානයක් යොමු කළ යුතු බවද වෛද්‍යවරුන් සදහන් කරයි.
සමීක්ෂණ දත්ත අනූව ගිනිකෙළි ද්‍රව්‍ය නිසා ඇතිවන අනතුරු අතරින් වඩාත්ම බහුල වන්නේ අත් ඇඟිලිවලට සිදුවන අනතුරු වන අතර එය 46%ක් පමණ වන බවත් අනතුරු තුවාල වලින් 17%ක් ඇස් වලටද තවත් 17%ක් මුහුණ හිස ඇතුළු ප්‍රදේශ ආශ්‍රිතවද සිදුවන බවද සදහන් කරයි.
මේ අනුව වෛද්‍යවරුන් ඉල්ලා සිටින්නේ තමන්ගේ ආරක්ෂාව පිළිබද දැඩි ලෙස අවධානයෙන් පසුවන ලෙසයි.
