පොල් සංවර්ධන අධිකාරිය දත්ත වලට අනුව 2023 පෙබරවාරි මාසයේදී පොල් වතුර අපනයනයෙන් රුපියල් මිලියන 2,705ක් උපයා ඇත.
මේ අනුව පසුගිය වසරේ පෙබරවාරී මාසයට සාපේක්ෂව රු. මිලියන 734 ක අපනයන ආදායමේ සැලකිය යුතු ඉහළ යාමක් සිදුවී ඇත.
කෘෂිකර්ම අමාත්‍ය මහින්ද අමරවීර මහතාගේ ප්‍රධානත්වයෙන් ඊයේ (25දා) පැවැති සාකච්ඡාවකදී මෙම දත්ත අණාවරණය වී ඇත.
මෙහිදී අමරවීර මහතා තවදුරටත් ආදායම් වර්ධනය සඳහා ඇති හැකියාව අවධාරණය කළ අතර
වනජීවී හානිය නිසා පොල්ගස්වලට වාර්ෂිකව සිදුවන පාඩුව පියවීම මගින් තවත් රුපියල් මිලියන 300ක් අමතර ආදායමක් උපයා ගත හැකි බව පෙන්වා ඇත.
කේසේ නමුත් පොල් හා තැඹිලි ආශ්‍රිත අපනයනයන් ප්‍රවර්ධනය කිරීම සඳහා මේ වන විට රජය විශේෂ වැඩපිළිවෙලක් ද ක්‍රියාත්මමක කර ඇති අතර එය පොල් වගාකරුවන්ගේ ආදායම ඉහළ නැංවීමට දායක වනු ද ඇත.
