එමෙන්ම ඔහු පවසා සිටියේ නීතියේ බලය යම්කිසි ආකාරයකට පාවිච්චි කරමින් මෙම ක්‍රියාව සාදාරණීකරණය කිරීමකට උත්සාහ කරන බවයි.
පවතින ආර්ථික තත්වය තුළ බොහෝ දෙනෙක් අතිශ්‍ය බැට කන අවදියක මෙලෙස ඔවුන්ගේ පමණක් පඩිය වැඩි වීම ගැටලුවක් බවත් එය සදාචාරාත්මක ගැටලුවක් බවත් මන්ත්‍රීවරයා පැවසීය.
මන්ත්‍රීවරයා මෙහිදී වැඩිදුරටත් පැවසුවේ දිවා රෑ ජීවිත ගලවාගැනීමට වෙහෙසෙන සුවසැරිය කාර්ය මණ්ඩලයේ වැටුප් සමග සැසඳීමේදී මෙම වැටුප් වැඩිකිරීම අසාධාරණ බවත් පඩි වැඩි වීම නොව ප්‍රශ්නය වන්නේ වැඩි වූ ප්‍රමාණය බවත් මන්ත්‍රීවරයා පෙන්වා දුන්නේය.
කෙසේවෙතත් මහ බැංකුව ස්වාධීන ආයතනයක් ලෙස පවත්වා ගැනීමේ වැදගත්කම මන්ත්‍රීවරයා අවධාරණය කළ අතර එම බලය අයුතු ලෙස භාවිතා නොකරන ලෙසයි ඔහු අවධාරණය කළේ.
