ඔහු මේ බව පවසා සිටියේ හිටපු ජනාධිපති මෛත්‍රීපාල සිරිසේන සහ රුසියානු තානාපති අතර හමුවක් අද(26) හිටපු ජනපති නිල නිවසේදී පැවැති අවස්ථාවේදීය.
දැනට මෙරට පවතින දේශපාලන තත්වය සහ ශ්‍රී ලංකා නිදහස් පක්ෂයේ දේශපාලන තත්වය පිළිබඳවත් රටවල් දෙක අතර පවතින දීර්ඝකාලීන මිත්‍රත්වය පිළිබඳවත් එහිදි සාකච්ඡා කෙරිණි.
රුසියානු රාජ්‍යයේ සහයෝගය ඉදිරියටත් අපේක්ෂාකරන බවත් එසේම ඉදිරියටත් දෙරට අතර සබඳතාව ශක්තිමත් කිරීමට බලාපොරොත්තු වන බවද එහිදී හිටපු ජනාධිපතිවරයා පැවසීය. ශ්‍රී ලංකාව අසීරු තත්ත්වයකට මුහුණ දී සිටින අවස්ථාවක රුසියාව ලබාදුන් සහය පිළිබඳව තමන් කෘතවේදී වන බවත් ශ්‍රී ලංකාවේ සංවර්ධනය සඳහා අඛණ්ඩව සහය ලබා දීම සම්බන්ධයෙන් රුසියානු තානාපතිතුමාට ස්තුතිය පළ කරන බවත් ඔහු පැවසීය.
