දේශීය ආදායම් දෙපාර්තමේන්තු නියෝජ්‍ය කොමසාරිස් ජනරාල් (බදු පරිපාලන) එම්.එස්.එම්. සියාන් පවසන්නේ බදු එකතු කිරීම සහ බදු පැහැර හැරීම් වැලැක්වීම දෙපාර්තමේන්තුවට ලැබෙන තොරතුරු මත රඳා පවතින බවත් එබැවින් බදු වංචාවෙන් වැළකීම සඳහා රටේ සියලුම ආයතන සම්බන්ධ කිරීමේ හදිසි අවශ්‍යතාවක් මතුව ඇති බවය. ඒ අනුව ශ්‍රී ලංකාවට විද්‍යුත් ඉන්වොයිසි ක්‍රමයක් හඳුන්වාදීම සඳහා ආදායම් දේපාර්තමේන්තුව විසින් යෝජනාවක් ඉදිරිපත් කර ඇත.
“අපි ශ්‍රී ලංකාවට විද්‍යුත් ඉන්වොයිසි ක්‍රමයක් හඳුන්වා දීමට යෝජනා කර තිබෙනවා. එම ක්‍රමය හඳුන්වා දුන් පසු බදු පැහැර හැරීම් වැනි සිද්ධීන් නවතිනවා. IRD ක්‍රියා කරන්නේ එයට ලැබෙන තොරතුරු මත ය; ගෙවන්නේ කවුද සහ නොගෙවන්නේ කවුද කියා අනාවැකි කීමට අංජනම් බැලීමේ හැයාවක් අපට නැත. අපට සිටින සේවකයින් 1,000 කින් පමණ අපට මුළු රටම නිරීක්ෂණය කළ නොහැක. ”ඔහු අවධාරණය කළේය.
මේ වන විට බදු එකතු කිරීම දැඩි ලෙස ක්‍රියාත්මක කර ඇති අතර, 2023 දී එකතු කරන ලද ආදායමේ සැලකිය යුතු වැඩි වීමක් පෙන්නුම් කරයි. එය රු. බිලියන 900 ක් පමණ වේ. ඒ අතර, බදු ගෙවීමට බැඳී සිටින අයගේ බදු පැහැර හැරීම් 10-15% පමණ වන බවත් පැවැසේ.
