එබැවින් ඒ සම්බන්ධව අවධානය යොමු කරන ලෙස කෘෂිකර්ම දෙපාර්තමේන්තුව ගොවි ජනතාවගෙන් ඉල්ලීමක් කර සිටියි.

White Back Plant Hopper හෙවත් සුදු පිට පැළ කීඩෑවා, දුඹුරු පැළ කීඩෑවා (Grey Plant Hopper)  සහ කොළ හකුළුවන දළඹුවා ( Leaf Curl worm)  යන කෘමි විශේෂ තුන මෙසේ දිවයිනේ දිස්ත්‍රික්ක කිහිපයක ව්‍යාප්තව ඇති බවත් එමගින් වී වගාවේ  හෙක්ටයාර් 22,000ක් පමණ බලපෑමට ලක් ව තිබෙන බවත් කෘෂිකර්ම දෙපාර්තමේන්තුව පවසයි.

මෙම කෘමි හානි සියල්ලම වලක්වා ගත හැකි අතර මේ වනවිට සියලු ප්‍රදේශවල සිටින කෘෂිකර්ම උපදේශකවරුන් මෙන්ම අනෙකුත් නිලධාරීන් මේ  සම්බන්ධව දැනුම්වත් කර ඇතැයි කෘෂිකර්ම දෙපාර්තමේන්තුවේ අධ්‍යක්ෂ ජනරාල්වරිය පැවසුවාය. එමෙන්ම කෘෂිකර්ම විශේෂ කණ්ඩායම් ක්ෂේත්‍ර පරීක්ෂාව සඳහා යොදවා අතැයි ද පරසුරාමන් මහත්මිය පැවසුවාය.

තත්ත්වයෙන් බාල කෘමි නාශක යෙදීම හෝ දැනුමක් නොමැති අය විසින් කරන නිර්දේශ අනුව කටයුතු නොකළ යුතු යැයිද කෘමිනාශක තවත් වර්ග සමග මිශ්‍ර කිරීම නොකළ යුතු අතර  එමගින් හානිකර කෘමීන් රසායනික ද්‍රව්‍යවලට ඔරොත්තු දීමේ හැකියාව ඇති නිසා (Chemical Resistance)  කෘමිනාශක යෙදීමෙන් නිසි ප්‍රතිපල අත්කර ගත නොහැකි වනු ඇතැයි කෘෂිකර්ම දෙපාර්තමේන්තුව පවසයි.