එහි සම්බන්ධීකාරක චන්දන චන්දන සූරියආරච්චි පැවසුවේ වැන්දඹු හා අනත් දරු විශ්‍රාම වැටුප සඳහා රාජ්‍ය සේවකයාගේ වැටුපෙන් 8% ක් ගැනීමට අයවැයෙන් කළ යෝජනාවටද තමන් විරෝධය පලකරන බවයි.

මේ අතර එළැඹෙන ජනවාරී මාසයේ සිට රාජ්‍ය සේවකයන්ට රු 5000 බැගින් දීමනාවක් ගෙවීමට හැකි බවත්, විශ්‍රාමිකයන්ට මුළුමනින්මත් යෝජිත දීමනාව ගෙවීමට හැකි බවත් ජනාධිපති පාර්ලිමේන්තු කටයුතු පිළිබඳ උපදේශක මහාචාර්ය අශු මාරසිංහ පසුගියදා පැවසුවේය.

මෙවර අය වැයෙන් රාජ්‍ය සේවක වැටුපේ ජීවන අංක දීමනාවට වැඩි කළ රුපියල් 10,000 ක දීමනාව හා විශ්‍රාමිකයන්ට වැඩි කළ රු 2,500 දීමනාව ලබන වසරේ අප්‍රේල් මාසයේ සිට ගෙවීමටත් හිඟ මුදල වාරික වශයෙන් මාස 6ක් තුළ ගෙවීමටත් යෝජනා වී බවද ඔහු අනාවරණය කළේය.

-P.M