එම සිද්ධියට මුහුණ දුන් සිසුන් දෙදෙනකු නාවලපිටිය රෝහලට ඇතුළත් කර ඇති අතර ඔවුන්ගේ උදරයේ අපහසුතා ඇති වීම සහ වමනය වැනි රෝග ලක්ෂණ ඇති බවට රෝහල් ආරංචිමාර්ග පවසයි.
එයට මුහුණ දුන් සිසුන් ආහාර ලබා ගැනීමෙන් පසු අදාළ ලන්ච් ෂිට් සහ ආහාර ඔතාගෙන පැමිණි පත්තර පිටු යළි බෑග් තුළටම දමාගෙන ඇතත් එම ස්ථානයට පැමිණි විදුහල්පතිවරයා ලන්ච් ෂිට් සහ පත්තර පිටු බෑග් වලින් ඉවතට ගෙන සිසුන් 7 දෙනෙකුට ඒවා අනුභව කරන ලෙස පවසා ඇත.
මේ පිළිබදව නාවලපිටිය පොලිසියට පැමිණිල්ලක් ලැබී ඇති බවත් සඳහන් වේ.
කෙසේවෙතත් මෙම සිදුවීම සම්බන්ධයෙන් අද (23) පාර්ලිමේන්තුවේ දී විශේෂ ප්‍රකාශයක් සිදුකරමින් අධ්‍යාපන අමාත්‍යවරයා පවසා සිටියේ අදාළ විදුහල්පතිවරයාට ස්ථාන මාරුවක් ලබා දී ඇති බවටයි.
ඊයේ දිනයේ දීම තමා විසින් මධ්‍යම පළාත් අධ්‍යාපන අධ්‍යක්ෂවරයා අමතා තොරතුරු ලබා ගත් බවත් අමාත්‍යවරයා පවසා ඇත.
ඒ අනුව පස්බාගේ කොට්ඨාස අධ්‍යාපන අධ්‍යක්ෂවරයා විසින් ස්ථානීය පරීක්ෂණයක් පවත්වා ඇති බවත් අමාත්‍යවරයා එම පරීක්ෂණ කටයුතුවල පහසුව වෙනුවෙන් මෙලෙස අදාළ විදුහල්පතිව ස්ථාන මාරු කර ඇති බව පැවසීය.
