අපදා කළමණාකරණ මධ්‍යස්ථානය සඳහන් කළේ, එම වෙළෙඳසැලේ සිටි පුද්ගලයෙකු ඊයේ (21) රාත්‍රී සිදුවූ නායෑමෙන් මෙම අනතුරට ලක්ව ඇති බවය. මෙලෙස මියගොස් ඇත්තේ පේරාදෙණිය ප්‍රදේශයේ පදිංචි 68 හැවිරිදි පුද්ගලයෙකි.

අපදා කළමණාකරණ මධ්‍යස්ථානය පැවසුවේ, මෙම ස්ථානය මීට පෙරද නායයෑමක් සිදුවූ ස්ථානයක් බැවින් වෙළෙඳසැල් හිමියන්ට ඉවත්වන ලෙස දැන්වූ බවය.

කේසේ වෙතත් ඔවුන් එම ස්ථානයෙන් ඉවත් නොවීම හේතුමෙන් මෙම අනතුර සිදුව තිබේ.

තව ද බදුල්ල කොළඹ ප්‍රධාන මාර්ගය බලංගොඩ සීලගම ප්‍රදේශයේ පස් කදු කඩා වැටීම හේතුවෙන් ගමනාගමනයට බාධා එල්ල වී තිබේ.

පස් සහ ගල් පෙරළීම හේතුවෙන් මාර්ගය සම්පුරණයෙන්ම අවහිර වී ඇති බව ආපදා කළමණාකරණ මධ්‍යස්ථානය පැවසුවේය.

මේ අතර පස්සර - නමුනුකුළ හරහා ඇල්ලට යන මාර්ගයේ කනවරැල්ල කි.මී.16 කණුව හා කි.මී 20 කනුව අතර ප්‍රදේශයේ ස්ථාන කිහිපයකට ඊයේ (21)පස්වරුවේ පැවැති අධික වර්ෂාව සමඟ පස් ගල් හා ගස් කඩාවැටී අවහිර වී තිබීම හේතුවෙන් රථ වාහන ගමනා ගමනය මුළුමනින්ම ඇනහිට ඇති බව වාර්තාවේ.

එමෙන්ම කටුගස්තොට ගන්නෝරුව ප්‍රධාන මාර්ගයේදී වරාතැන්න ප්‍රදේශයේ විශාල ගලක් සහිත පස් කන්දක් කඩා වැටීමෙන් මාර්ගයේ ගමනාගමනය මුළුමනින්ම ඇනහිට තිබේ.

මේ හේතුවෙන් විකල්ප මාර්ග භාවිත කරන ලෙසට පස්සර පොලීසිය ජනතාවට දැනුම් දී ඇත.

රන්ජනා