මෙම අපරාධ සිද්ධීන් රැසකට හේතු වී ඇත්තේ මත්ද්‍රව්‍ය උවදුර මෙන්ම ජංගම දුරකථන අවභාවිතය වැනි කරුණු බව හෙතෙම පවසා සිටියේය.
එමෙන්ම වසරකට දළ වශයෙන් ලංකාවේ 5,000ක් පමණ දරුවන් සම්බන්ධයෙන් අපරාධ වාර්තා වන බව මේ සංඛ්‍යා ලේඛනවල සඳහන් බවත් රට තුළ උග්‍ර ලෙස පැතිර යන මත්ද්‍රව්‍ය උවදුර මෙම අපරාධ සම්බන්ධයෙන් බලපා ඇති බවයි ඔහු පැවසුවේය.
ඔහු වැඩිදුරටත් පවසා සිටියේ,
‘‘ ලංකාවේ වැඩිම ජනගහණයක් ජීවත් වන පළාත ලෙස සැලකුවොත් බස්නාහිර පළාත කොළඹ, ගම්පහ, කළුතර දිස්ත්‍රික්කය මේ තුනේ වාර්තා වන ළමුන් සම්බන්ධ වැරදි ගැන අපට අවබෝධයක් තියෙන නිසා අපි දන්නවා. ඒ වගේම බහුතරයක් සිද්ධිවලට බලපාලා තියෙන්නේ මත්ද්‍රව්‍ය සහ මත්පැන් භාවිතය. මේ ජංගම දුරකථන භාවිතය අද වෙද්දි ළමයින්ව ළමා අපයෝජනයවලට යොමු කරවන භයානක අවියක් බවට පත්වෙලා. ලංකාවේ ළමා අපයෝජන අඩු කරන්න අපි උත්සාහයක් දරනවා නම් අනිවාර්යයනේම ජංගම දුරකථන භාවිතය ගැන නියාමනයක් දෙමාපියන් විසින්ම ගෙදරදී කළ යුතුයි.” යනුවෙනි.
RS
