ප්‍රමිතියෙන් තොර ඉන්ධන මෙරටට ගෙන්වා ඇති බවට තමා මීට පෙර පැවසූ බව කී සජිත් ප්‍රේමදාස බාල තෙල් හැටියට පරීක්ෂණ වාර්තා වලින් ඔප්පු වූ තෙල් වෙළෙඳ පොළට නිකුත් කර තිබෙන බව පැවසීය.
මේ අතර පසුගිය කාලය පුරාම විරුද්ධ පක්ෂය සැකයන් මතු කළ අතර ඒ සියලුම සැකයන් ආණ්ඩුව විසින් දුරු කර තිබෙන හෙයින් සැකයන් මත තීරණ ගත් කාලය අවසන් කරන්නැයි විපක්ෂයෙන් ඉල්ලා සිටින බව අග්‍රාමාත්‍ය දිනේෂ් ගුණවර්ධන පාර්ලිමේන්තුවේදී පැවසීය.
රාජ්‍ය සේවකයන් දහස් ගණනින් දොට්ට දමන බව විපක්ෂය සැක මතු කළත් එවැනි දේවල් සිදු වුණේ නැතැයි කී අග්‍රාමාත්‍යවරයා ණය ගෙවීමේ ප්‍රශ්නයද නිරාකරණය කරගනිමින් සිටින බව සඳහන් කළේය.
ලංකාව මුහුණ දුන් අමාරු සහ ආරථික කඩාවැටීම සභාවේ කවුරුත් පිළිගන්නා බව පැවසූ අග්‍රාමාත්‍යවරයා දැන් ලංකාව ඉන්නේ ස්ථාවර භාවය සහ වර්ධනය යන ගමන් අවස්ථාවේ බව පැවසීය.
-P.M
