මෙම ස්වයංක්‍රිය යන්ත්‍ර සදහා ශ්‍රීලන්කන් ගුවන් සේවය සහ සීමාසහිත ගුවන් තොටුපොළ සහ ගුවන් සේවා සමාගම සිය අරමුදල් ආයෝජනය කර තිබේ.

ස්වයං සේවා ටිකට් පත් පර්ක්ෂා කිරීමේ යන්ත්‍ර මඟින් ගුවන් මගීන්ට තම ආසන තෝරා ගැනීම (Seat Selection) ඔවුන්ගේ ගුවන් ප්‍රවේශ පත්‍රය මුද්‍රණය කර ගැනීම (Boarding Pass Printing) සහ ගමන්මලු ටැග් පත මුද්‍රණය (Bag Tag Printing) කර ගැනීම යන කාර්යයන් තුනක් ඉටු කර ගත හැකිය. ඉන්පසු එම ගුවන් මගීන් ස්වයං සේවා ගමන් මලු භාරදීම (Bag Drop) යන්ත්‍රය වෙත ගොස් ගමන් මලු භාරදීම සිදු කර ආගමන විගමන නිෂ්කාශන කටයුතු සඳහා පිටත්ව යා හැකිය. මෙම ස්වයංක්‍රිය යන්ත්‍ර පද්ධතිය මඟින් ගුවන් මගීන්ට විනාඩි 05ක් වැනි කෙටි කාලයක් තුළ සිය ගුවන්තොටුපොළ රාජකාරී නිමා කර අදාළ ගුවන් යානය වෙත පිවිසීමට අවස්ථාව හිමි වේ. මෙම ස්වයංක්‍රිය යන්ත්‍ර මඟින් දැනට ශ්‍රීලන්කන් ගුවන් සේවයේ ගුවන් මගීන්ට පමණක් පහසුකම් හිමි වන අතර ඉදිරි කාලයේ කටුනායක ගුවන්තොටුපොළ වෙත පැමිණෙන අනෙකුත් ගුවන් සේවා සඳහා ද ව්‍යාප්ත කිරීමට නියමිතය.