තිස් වසරක් පුරා මෙරට තුළ පැවැති 'ත්‍රස්තවාදී භීෂණය' අවසන් කිරීමෙන් පසු මෙම ක්ෂේත්‍රවල කැපී පෙනෙන ප්‍රගතියක් සමඟ මෙසේ විශාල වශයෙන් ආදායම් ලැබෙන බව අමාත්‍යවරයා කියා සිටියේ, ඊයේ (21) ශ්‍රීමත් ජෝන් කොතලාවල ආරක්ෂක විශ්වවිද්‍යාලයේ පැවැති ජාත්‍යන්තර සමුළුව අවස්ථාවේදීය. එම සමුළුවේ ප්‍රධාන ආරාධිත අමුත්තා වූයේ ආචාර්ය සරත් අමුණුගම මහතාය.
මේ රටේ යටිතල පහසුකම් වැඩිදියුණු කළ යුතුයි. ඒ වගේම විශේෂයෙන් තාක්ෂණ විද්‍යාව දියුණු කිරීම අවශ්‍ය බවද පවසන අමාත්‍ය සරත් අමුණුගම මහතා, 1930 පටන් බොහෝ කාලයක් ඉංග්‍රීසි විෂයට මුල්තැනක් ලැබුණ බවත් පසුව විවිධ දේශපාලනඥයන් නිසා ඉංග්‍රීසි අධ්‍යාපනයට හිමිවී තිබු එම තත්ත්වය ක්‍රමයෙන් අඩුවූ බවද කීය.
එහෙත් වර්තමාන රජය ඒ සෑම අංශයක්ම වැඩිදියුණු කරමින් රට තුළ දැවැන්ත සංවර්ධන ක්‍රියාවලියක් සිදු කරන බවද අමාත්‍යවරයා පෙන්වා දුන්නේය.
කෘෂිකර්ම ක්ෂේත්‍රයද මේ වන විට නව තාක්ෂණික උපකරණ යොදා ගනිමින් විශාල දියුණුවක් කරා ඇදී ඇත. මෙරට අධ්‍යාපනය ලැබූ උසස් ප්‍රතිඵල බොහෝ පිරිස් නවීන තාක්ෂණය සොයා විදෙස්ගත වෙයි. අප ඔවුන් මේ රටේ තබාගෙන ප්‍රයෝජන ගත යුතුයි. නව තාක්ෂණය කෙරෙහි ඇදී යන අය මේ රට තුළ භාවිතා වන ජංගම දුරකථන ප්‍රමාණය මිලියන 22ක් පමණ බව ගණනය වී තිබේ. එපමණක් නොව ලක්ෂ 27ක් පමණ මෝටර් සයිකල් භාවිතා කරන අතර ලක්ෂ දහයකට වැඩි ප්‍රමාණයක් ත්‍රිරෝද රථ භාවිතා වෙයි. මහජනතාව විශාල වශයෙන් මේවා භාවිතයට හුරු වී තිබීම නව තාක්ෂණයේ දියුණුවේ හොඳ තත්ත්වයක් බවද අමාත්‍ය අමුණුගම මහතා පෙන්වා දුන්නේය.
වසරකට අමෙරිකානු ඩොලර් බිලියන හත ඉක්මවා යන අති විශාල මුදල් කන්දරාවක් විදෙස්ගත ශ්‍රමිකයන්ගෙන් මෙරටට ලැබෙන බව ජ්‍යෙෂ්ඨ ඇමැති ආචාර්ය සරත් අමුණුගම මහතා පවසයි. මෙම අමෙරිකන් ඩොලර් බිලියන හත දහය දක්වා වැඩිකර ගැනීම රජයේ ඉලක්කයයි. තවද එවැනිම විශාල ආදායමක් ඇඟලුම් කර්මාන්ත ක්ෂේත්‍රයෙන් සහ සංචාරක ක්ෂේත්‍රය වැඩිදියුණු කිරීම තුළින් ලැබෙන බවද ඇමැතිවරයා පවසයි.
Leave a comment
