බඩ ඉරිඟු ගොවියන් පවසන්නේ වසර කිහිපයක සිට මෙම  බඩ ඉරිඟු වගාවට සේනා දළඹු හානිය ඇති වූ බවත් මේ පිළිබඳ අවස්ථා කිහිපයක දී අදාළ බලධාරින් දැනුම්වත් කළද කෘෂිකර්ම දෙපාර්තමේන්තුව ඇතුළු වගකිව යුතු කිසිදු ආයතනයක් ඊට පිළියම් ලබානොදුන් බවය. එමෙන්ම බඩ ඉරිඟු කරල හටගන්නා අවස්ථාවේ දී මීට පෙර සේනා දළඹු හානිය ඇති වුව ද මෙවර කන්නයේ දී බඩ ඉරිඟු වගාව ආරම්භ කර දින දොළහක් පමණ වනවිට මෙම සේනා දළඹු හානිය පැමිණ ඇති බවය.

ගොවියන් වැඩිදුරටත් පවසා සිටියේ තමන්ගේ කන-කර උකස් කර මුදල් යොදවා වන සතුන් ගෙන්ද ආරක්ෂා කර ගනිමින් ආරම්භ කළ බඩ ඉරිඟු වගාව මේ වනවිට සේනා දළඹු හානියට ගොදුරු වීම හේතුවෙන් සාර්ථක අස්වැන්නක් බලාපොරොත්තු වීමට නොහැකි බවය.

විශ්ෂයෙන් මීට පෙර අවස්ථාවලදී සේනා දළඹු හානිය අවම කිරීමට මෙන්ම එම දළඹුවා මර්දනය කිරිමට අදාල යෝජනා සමස්ත ලංකා ගොවිජන සම්මේලනය මෙන්ම පරිසර වේදීන්ද ඇතුළු පාර්ශ්ව ගණනාවකින් ඉදිරිපත් කල නමුත් වගා ඊට කන් නොදුන් බලධාරීන් හානි සිදුවුවහොත් වන්දි ගෙවන බව පවා සිටියද එම ලබාදියයුතු වන්දි මුදල් පවා තවමත් බොහෝ පිරිසකට ලැබී නැත.

එවන් පසුබිමක මෙවරද වගා හානි සිදුවුවහොත් තමන්ට බරපතල පීඩාවකට මුහුණදීමට සිදුවන බව ගොවි ජනතාව අවධාරණය කරති.

RS