මේ සම්බන්ධයෙන් අදහස් දක්වන සෞඛ්‍ය අමාත්‍යංශයේ ලේකම් ජානක ශ්‍රී චන්ද්‍රගුප්ත සඳහන් කරන්නේ එම අධිකාරියේ අධ්‍යක්ෂ මණ්ඩලය ගත් තීරණයක් අනුව ඔහු මෙසේ ඉවත් කෙරුණු බවයි. කෙසේවෙතත් මෙම තීරණයෙන් අනතුරුව වෛද්‍ය විජිත් ගුණසේකර සෞඛ්‍ය අමාත්‍යාංශයට කැඳවූ බවද ලේකම්වරයා ප්‍රකාශ කළේය.
ප්‍රමිතියෙන් තොර ඖෂධ මෙරටට ආනයනය සම්බන්ධයෙන් ජාතික ඖෂධ නියාමන අධිකාරියේ(NMRA) හිටපු සභාපතිවරයා ප්‍රධාන විධායක නිලධාරියා ඇතුළු පාර්ශවයට පසුගිය කාලයේදී චෝදනා එල්ල විය.
NMRA සභාපතිවරයා වෙනුවට වෛද්‍ ආනන්ද විජේවික්‍රම පසුගියදා පත් කළ අතර වෛද්‍ය විජිත් ගුණසේකර ප්‍රධාන විධායක නිලධාරීවරයා ලෙස දිගටම සේවයේ කටයුතු කර ඇත. නමුත් ඔහු විසින් NMRA හි සංවේදී ලිපි ලේඛන මාලාවක් ඉරා දැමු බවට චෝදනා එල්ලවිය. මෙම සිදුවීම සම්බන්ධයෙන් අපරාධ පරික්ෂණ දෙපාර්තමේන්තුවට පැමිණිල්ලක්ද ගොනුකර තිබුනේය.
-P.M
