7 දෙනෙකුගෙන් සමන්විත එම කමිටුවේ සභාපති ලෙස හිටපු ක්‍රිකට් නායක අර්ජුන රණතුංග පත්ව ඇති අතර සෙසු සාමාජිකයන් ලෙස විශ්‍රාමලත් ශ්‍රේෂ්ඨාධිකරණ විනිසුරුවරුන් වන එස්. අයි. ඉමාම්, රෝහිණී මාරසිංහ සහ විශ්‍රාමලත් මහාධිකරණ විනිසුරු අයිරංගනී පෙරේරා යන අයද පත් කල බවට එම නිවේදනයේ සඳහන්ය.
මීට අමතරව අතුරු කමිටුවේ සාමාජිකයන් ලෙස උපාලි ධර්මදාස, රඛිත රාජපක්ෂ සහ හිෂාම් ජමාල්ඩින් යන අය පත් කිරීමට ක්‍රීඩා අමාත්‍යවරයා කටයුතු කර ඇත.
ඒ සමගම ශ්‍රී ලංකා ක්‍රිකට් ආයතනයේ වර්තමාන පරිපාලනයේ කටයුතු අත්හිටුවා ඇති බවත් එයට අදාළ ගැසට් නිවේදනය අද (06) දිනයේ නිකුත් කිරීමට නියමිත බව ද වාර්තා වේ.
කෙසේ වෙතත් පසුගිය 03 දා නිකුත් කල ලිපියේ ද සදහන් කොට තිබුණේ ශ්‍රී ලංකා ක්‍රිකට් කණ්ඩායමේ තරග පරාජයන්හි වගකීම් තේරීම් කමිටුව සහ ශ්‍රී ලංකා ක්‍රිකට් ආයතනය භාරගත යුතු බව් අදාළ නිලධාරීන් තම ධුරවලින් ඉල්ලා අස්විය යුතු බවයි.
අද දින පටන් නව අතුරු කමිටුව විසින් අදාල ඉදිරි ක්‍රියාමාර්ග ගැනීමට නියමිතබව එම නිවේදනයේ සඳහන්ය.
කෙසේ වෙතත් මෙවන් පසුබිමක් තුළ ශ්‍රී ලංකා ක්‍රිකට් පරිපාලනයට මහජන ක්‍රීකට් ලෝලීන්ගේ දැඩි විරෝධය එල්ල වෙමින් පවතින මොහොතක වත්මන් ක්‍රිකට් පාලක මණ්ඩලය අත්හිටවා අතුරු කමිටුවක් පත් කිරීම ගැන ඇත්තේ අස්වැසිල්ලකි..
-RS
