රජයේ ප්‍රවෘත්ති දෙපාර්තමේන්තුවේ ඊයේ (31) පැවති කැබිනට් තීරණ දැනුම් දීමේ මාධ්‍ය හමුවේදී ඇමැතිවරයා මේ බව සඳහන් කළේය.
දැනට මහා පරිමාණ වශයෙන් කුමන ස්ථානයක හෝ පාරවල් ඉදි නොවන බව පැවසූ ඒ මහතා ගංවතුර හා වෙනත් ස්වාභාවික ආපදා හේතුවෙන් ඉතා විශාල වශයෙන් අබලන් වූ ස්ථානවල ඉතා කුඩා පැලැස්තරයක් දැමීමට පමණක් විශේෂ කැබිනට් පත්‍රිකාවකින් කුඩා මුදලක් සොයාගෙන පවත්වාගෙන යන බවද කියා සිටියේය.
මේ සඳහා මූල්‍ය ප්‍රතිපාදන සලසන ලෙස ලබන අයවැය ලේඛනයට ඉදිරිපත් කර ඇති බවත් මේ සෑම පාරකටම මූල්‍ය ප්‍රතිපාදන වැඩි ප්‍රමාණයක් ඉතිහාසය පුරා දී ඇත්තේ ආසියානු සංවර්ධන බැංකුවෙන් බවත් හෙතෙම පැවසීය.
මේ වන විට ආසියානු සංවර්ධන බැංකුව සියලු ගෙවීම් නතර කර ඇතැයිද ඇමැතිවරයා කීවේය. විදේශ ණය ප්‍රතිව්‍යූහගතකරණය කරන තෙක් පාරවල් මාර්ග සම්පූර්ණයෙන්ම අබලන්ව ගියද ආසියානු සංවර්ධන බැංකුව මුදල් නොදෙන බව පැවසූ ඇමැතිවරයා ජාත්‍යන්තර මූල්‍ය අරමුදලේ දෙවැනි වාරිකය ලැබී මේ වසර තුළ කෙසේ හෝ විදේශ ණය ප්‍රතිව්‍යූහගත වන බවට රජය වශයෙන් ස්ථිර ලෙස විශ්වාස කරන බවද අවධාරණය කළේය.
-P.M
