පත්වීම් ලිපි ප්‍රදානය කිරීමේදී පළමු අදියර යටතේ ජාතික ඖෂධ නියාමන අධිකාරියට සභාපතිවරයකු පත් කිරීමට පියවර ගෙන තිබූ අතර ඒ සඳහා විශේෂඥ වෛද්‍ය ආනන්ද විජේවික්‍රම පත් කිරීමට තීරණය කර තිබූ බවත් ඇමැතිවරයාගේ මැදිහත් වීම යටතේ එම පත්වීම අවලංගු කර ඇති බවත් වාර්තා වේ.
මෙම පත්වීමට අදාළව සෞඛ්‍ය ලේකම් කාර්යාලයෙන් සකස් කර තිබූ පත්වීම් ලිපිය අමාත්‍ය කාර්යාලයට ලබාදී තිබුණ ද, එම පත් කිරීම කල් දැමීමට අමාත්‍යවරයා පියවර ගෙන ඇති බවට වාර්තා වේ.
මෙම පත්වීම් හරහා ජාතික ඖෂධ නියාමන අධිකාරියේ පසුගිය කාලයේ සිදු වූ දත්ත සොරකමට සම්බන්ධ නිලධාරීන් නැවත පත්වීමේ සූදානමක් ඇති බවට ද තොරතුරු වාර්තා වේ.
සෞඛ්‍ය අමාත්‍යාංශයේ ඉහළ තනතුරුවලට නැවත නැවතත් සායනික විශේෂඥයින් පත් කිරීම මඟින් සෞඛ්‍ය ක්ෂේත්‍රයේ දැනට පවතින අර්බුදයන් විසඳිය නොහැකි බවත් අමාත්‍යාංශයේ ක්‍රමවේදය වෙනස් නොකර තනතුරුවලට කොතරම් නිලධාරීන් අලුතින් පත් කළත් පවතින වංචා දූෂණ අක්‍රමිකතා නතර කිරීමට අපහසු බවත් අමාත්‍යාංශයේ නිලධාරීහු පවසති.
-P.M
