අග්‍රාමාත්‍යවරයා මේ බව සදහන් කර ඇත්තේ ග්‍රාමීය සංවර්ධනය සඳහා වූ චීන පදනමේ උප සභාපති ලියු වෙන්කුයි (Liu Wenkui) අතර හමුවක් අද (25) අග්‍රාමාත්‍ය කාර්යාලයේ දී පැවැවූ අවස්ථාවේදීය.
“ආහාර සුරක්ෂිතතාව සාක්ෂාත් කර ගැනීම සඳහා ශ්‍රී ලංකාව මෙන්ම අනෙකුත් සංවර්ධනය වෙමින් පවතින රටවල ප්‍රයත්නයන් සඳහා චීනය ලබා දෙන විශාල දායකත්වයට ස්තූතිවන්ත වන බවත් අග්‍රාමාත්‍යවරයා එහිදී පවසා ඇත.
පසුගිය සතියේ ජනාධිපති රනිල් වික්‍රමසිංහගේ බීජිං සංචාරයේදී ශ්‍රී ලංකාවට අඛණ්ඩව සහය ලබාදෙන බවට ෂී. ජින්පින්ග් (Xi Jinping ) ජනාධිපතිවරයා ලබාදුන් සහතිකය පිළීබඳව අග්‍රාමාත්‍යවරයා චීනයට කෘතඥතාව පළ කළේය.
ලියු වෙන්කුයි (Liu Wenkui) මහතා පැවසුවේ තම පදනමට ග්‍රාමීය සංවර්ධනය පිළිබඳ විශේෂඥ දැනුමක් ඇති බැවින්, ස්වයංපෝෂිතභාවය, ග්‍රාමීය අඩු ආදායම්ලාභී පවුල් නඟා සිටුවීම සහ අපනයන ඉහළ නැංවීම යන බහුවිධ ඉලක්ක සඳහා ග්‍රාමීය ඵලදායිතාව ඉහළ නැංවීමට ශ්‍රී ලංකාවට සහාය විය හැකි බවයි.
ග්‍රාමීය සංවර්ධනය සඳහා වන චීන පදනම දිස්ත්‍රික්ක කිහිපයක ග්‍රාමීය පාසල්වල ප්‍රාථමික පාසල් දරුවන් සඳහා වියළි සලාක ඇසුරුම් ලබාදෙන බව ඒ මහතා සඳහන් කළේය.
-P.M
