මෙම මුදල ශ්‍රී ලාංකික ශ්‍රමිකයන්හට අවශ්‍ය කරනු ලබන ආහාර, බෙහෙත් ඇතුළු අනෙකුත් සියලුම පහසුකම් සැපයිම උදෙසා ලබාදී ඇත.
එමෙන්ම ඉදිරියේදී අවශ්‍යතාවයක් මතු වුවහොත් තවදුරටත් මුදල් ලබා දීම සඳහාද විදේශ සේවා නියුක්ති කාර්යාශය විසින් මේ වන විටත් අරමුදල් වෙන් කිරීමටද පියවර ගෙන ඇති බවද සඳහන්ය.
ඊශ්‍රායලයේ සිටින ශ්‍රමිකයන්ගේ ආරක්ෂාව සම්බන්ධයෙන් කටයුතු කරන ලෙසත් ඔවුන්ට අවශ්‍ය සියලුම පහසුකම් සැපයීමටත්, අවශ්‍ය සියලුම පියවර ගන්නා ලෙසත් ජනාධිපති රනිල් වික්‍රමසිංහ සහ කම්කරු හා විදේශ රැකියා අමාත්‍ය මනූෂ නානායක්කාර නිලධාරීන්ට උපදෙස් ලබා දී තිබේ.
මේ අතර ගාසා තීරයේ කොටු වී සිටින පලස්තීනුවන් වෙනුවෙන් මානුෂික ආධාර හෙට (20) වනවිට යැවීමට හැකි වෙතැයි අමෙරිකාව පවසයි. ඊජිප්තු බලධාරීන් 'රෆා' පිවිසුම විවෘත කිරීමට එකඟ වූ බව ඊශ්‍රායලයේ සංචාරයක නිරත වූ අමෙරිකානු ජනපති ජෝ බයිඩන් පවසා තිබේ.
මීට දින 13කට පමණ පෙර හමාස් සටන්කාමීන් ඊශ්‍රායලයේ ජනපද කිහිපයකට පහර දුන් අතර, එහි දී විශාල පිරිසක් ඝාතනය කර තිබිණි. අනතුරු ව ඊශ්‍රායලය ප්‍රතිප්‍රහාර එල්ල කිරීම ඇරඹීය.
මේ වනවිට දෙපාර්ශවයේ 5,000ට අධික පිරිසක් මියගොස් තිබේ. එසේම හමාස් සටන්කාමීන් විසින් ප්‍රාණඇපකරුවන් ලෙස 200ක පමණ පිරිසක් රඳවා ගෙන සිටින බව සඳහන්ය.
-P.M
