ඉදිරි ජනපතිවරණය සඳහා ධම්මික පෙරේරා මහතා ඉදිරිපත්වන බවට පැතිරයන ප්‍රචාර සම්බන්ධයෙන් දේශය පුවත්පත මෙම විමසුම සිදුකළ බව සඳහන් වෙයි.
කෙසේ වෙතත් තමා ඉදිරි ජනාධිපතිවරණය සඳහා ඉදිරිපත් වන්නේ ප්‍රකාශ කෙරෙන සමස්ත ඡන්ද අතරින් 51%ක් ලබාගත හැකි බවට විශ්වාසය තහවුරු වුවහොත් පමණක් බවද ඔහු මෙහිදී සඳහන් කර තිබේ.
මෙහිදී වැඩිදුරටත් කරුණු දක්වා ඇති ධම්මික පෙරේරා මහතා, තමන්ගේ අපේක්ෂකත්වය සම්බන්ධයෙන් බහුතර පක්ෂ එකඟතාවක් ඇතිවුවහොත් එය ස්වකීය මැතිවරණ සටනට විශාල ජවයක් වන බවද පවසා තිබේ.
මේ අතර ඔහු ජනපතිවරණ සටනට පිවිසෙන්නේ කවර පක්ෂයකින්දැයි කළ විමසුමකට පිළිතුරු දී ඇති හෙතෙම තමන් දැනටත් ශ්‍රී ලංකා පොදුජන පෙරමුණ (පොහොට්ටුව) පාර්ලිමේන්තු මන්ත්‍රීවරයකු වන බව පමණක් පවසා තිබේ.
පසුගියදා පොදු ජන පෙරෙමුණේ ප්‍රකාශකයකුගෙන් කියැවුණෙ තමන්ගේ ජනාධිපති අපේක්ෂකයා අකුරු 4 ක නමක් සහිත් පුද්ගලයකු බවය. ඒසේම ඇතැම් මාධ්‍ය වාර්ථාවක පොදුජන පෙරමුණ ධම්මික පෙරේරා සිය ජනාධිපතිවරණ අපේක්ෂකයා ලෙස ඉදිරිපත් කිරීම සඳහා සාකච්ඡා කරමින් ඇති බවත් සඳහන් විය.
දිවයිනේ ප්‍රධාන පෙළේ සමාගම් 18ක පමණ අධිපතිවරයා ලෙස කලකට පෙර කටයුතු කළ පෙරේරා මහතා පාර්ලිමේන්තු මන්ත්‍රී පදවියට පත්වූ අවස්ථාවේ එම සමාගම්වල දැරූ සියලු තනතුරුවලින් ඉවත් වූයේය.
