මේ අතර ලොව දරිද්‍රතාවයෙන් බැටකන කලාප තවත් අර්බුදවලට මුහුණදීමට ඉඩ ඇති බව එක්සත් ජාතීන්ගේ සංවර්ධන වැඩසටහන විසින් නිකුත් කර ඇති එම වාර්තාවේ වැඩිදුරටත් සඳහන් වේ.
ඔවුන් අද (11) නිකුත්කළ අලුත්ම වාර්තාවේ සඳහන් වන්නේ ලොව රටවල් 54ක් පමණ ඒ හේතුවෙන් අර්බුදවලට මුහුණදෙමින් ඇති බවය.
ලොව දරිද්‍රතාවයෙන් බැටකන ජනතාවගෙන් අඩකට වඩා එම රටවල්වල ජීවත් වෙති.
එක්සත් ජාතීන්ගේ සංවර්ධන වැඩසටහන පවසන්නේ එම ජනතාවට කඩිනමින් ණය සහන අවශ්‍ය බවය. නැතහොත් ඔවුන් තවත් දුප්පත් විය හැකි බවත් ඔවුන් නිකුත්කළ එම වාර්තාවේ දැක්වෙයි.
ජාත්‍යන්තර සංවිධාන කෙසේ පැවැසූවත් ලංකාවේ විපක්ෂ දේශපාලන පක්ෂ එක හඬින් තිර ලෙස පවසා සිටින්නේ ඔවුන්ට ආණ්ඩු බලය ලබා දීමෙන් පසුව මේ අර්බුද සියල්ල නිරාකරණය කරන බවයි. ඒ වෙනුවෙන් මහ මැතිවරණයක් ඉල්ලා සිටීම ඔවුන්ගේ වත්මන් දේශපාලන ව්‍යාපෘතිය වී ද තිබේ.
