කැබිනට් මණ්ඩලයට IMF නිලධාරීන්ගෙන් පාඩමක්  

Published in පුවත්
Tuesday, 11 October 2022 09:24

ජාත්‍යන්තර මූල්‍ය අරමුදල මඟින් ශ්‍රී ලංකාවට ලබාදෙන මූල්‍ය පහසුකම පිළිබඳ සහ රටේ ආර්ථිකය හැසිරවීම ගැන අමාත්‍ය මණ්ඩලය දැනුවත් කිරීම සිදුකර තිබේ.

ඊයේ (10) පස්වරුවේ රැස් වූ අමාත්‍ය මණ්ඩලයට සූම් තාක්ෂණය ඔස්සේ සහභාගී වූ ජාත්‍යන්තර මූල්‍ය අරමුදලේ නියෝජිතයින් පිරිසක් එම දැනුවත් කිරීම සිදුකර ඇති බව වාර්තා වේ.

රටේ පවතින ආර්ථික අර්බුදය හමුවේ ජාත්‍යන්තර මූල්‍ය අරමුදල ඩොලර් බිලියන 2.9ක මූල්‍ය පහසුකමක් ලබාදීම සඳහා මේ වන විට මූලික එකඟතාවයකට පැමිණ තිබේ.

අදාළ මූල්‍ය දායකත්වය ලබාදීම සම්බන්ධයෙන් ජාත්‍යන්තර මූල්‍ය අරමුදලේ නියෝජිතයින් විසින් අමාත්‍ය මණ්ඩලය දැනුවත් කර ඇති අතර එහිදී අමාත්‍යවරුන්ට සිය ගැටලු ඉදිරිපත් කිරීමට ද අවස්ථාව හිමිව තිබුණි.

මේ අතර රටේ පවතින ආර්ථික ගැටලුව පිළිබඳව සහ ඊට ලබාදිය හැකි විසඳුම් පිළිබඳව පාර්ලිමේන්තු මන්ත්‍රීවරුන් දැනුවත් කිරීමේ වැඩසටහනක් ලබන සතිය තුළ ක්‍රියාත්මක කරන බව පාර්ලිමේන්තු මන්ත්‍රී පාඨලී චම්පික රණවක මහතා පවසයි.

කෙසේ නමුත් මේ වන විට රට මුහුණ පා තිබෙන ආර්ථිකමය ගැටලුවලින් මිදීම වෙනුවෙන් දැඩි ප්‍රතිපත්තිමය තීන්දු තීරණ ‍රැසක් සමඟින් දීර්ගකාලීන මෙහෙයුමකට යෑම අනිවාර්ය වී ඇත.

එම තත්වයන් යටතේ මිස ඇතැම් විපක්ෂ කොටස් පවසන පරිදී සාම්ප්‍රදායික ලෙස ගැලරි පිනවන සහන මළු ආර්ථික යෝජනාවන් ක්‍රියාත්මක කළ නොහැක. ජනතාව පීඩාවට පත්ව ඇති නමුත් එයින් ඔවුන්ව මුදවා ගැනීම වෙනුවෙන් කෙටිකාලීන ජනප්‍රිය තීන්දු තීරණ වෙනුවට දිර්ගකාලීනව සාක්ෂාත්වන නිවැරදි වැඩ පිළිවෙල යොජනා කළ යුතුව ඇත. එතෙක් වඩාත් පීඩාවට පත් කොටස් වෙත තාවකාලික සහනයක් පමණයක් ලබා දීම සිදු වෙනු ඇත.

කෙසේ නමුත් පවතින අර්බුදකාරිත්වයෙන් මිදිය හැක්කේ දැඩි ප්‍රතිපත්තිමය තීන්දු තීරණ ක්‍රියාත්මක කිරීම මඟින් පමණි. ඒ වෙනුවෙන් කවර දුෂ්කර තත්වයන් හමුවේ වුව සියලු දෙනාටම යම් කැපකිරීමක් කිරීමට සිදු වෙනු ඇත. විපක්ෂ කොටස් සත්‍ය වශයෙන්ම ජනතාව ගැන වගවීමකින් ක්‍රියා කරන්නෙ නම් විය යුත්තේ ඒ සඳහා ජනතාව සූදානම් කරවීමය. එසේම රජය සමඟ සහයෝගයෙන් අවබෝධයෙන් යම් එකඟතාවයන් අනුව කටයුතු කිරීමය.

එහෙත් තවමත් පෙනෙන්න තිබෙන්නේ බාල ලාබ දේශපාලනික වුවමණාවන් වෙනුවෙ කරන තක්කඩි දේශපාලන මෙහෙයුම්ය. ජනතාව වෙනුවෙන් යැයි කියන ලේබලයට මුවා වී මේ කරන තක්කඩි දේශපාලනය යළිත් වටයකින් සිදු කරන්නෙ කබලෙන් ලිපට ඇද වැටී සිටින ජනතාව මතට තවත් පිදුරු දැමීමක් පමණි.

Leave a comment

ld add copy

Gossip

මහින්ද කුලී නිවෙසක් සොයයි

මහින්ද කුලී නිවෙසක් සොයයි

හිටපු ජනපති මහින්ද රාජපක්ෂගේ විජේරාමයේ පිහිටා තිබූ නිල නිවස පිළිබඳව පසුගිය කාල සීමාවේ බොහෝ දෙනෙක් ගේ...

ප්‍රියමාලි ගැන ගතු කිව්ව අයටත් නඩු වැටෙන හැඩ.  ඩුබායි වලින් සුරංගිවත් ගෙන්වයි ?   

ප්‍රියමාලි ගැන ගතු කිව්ව අයටත් නඩු වැටෙන හැඩ. ඩුබායි වලින් සුරංගිවත් ගෙන්වයි ?  

ව්‍යාපාර සඳහා ආයෝජනය කරන බව පවසමින්, ප්‍රසිද්ධ ව්‍යාපාරිකයන් ඇතුළු ප්‍රසිද්ධ පුද්ගලයන්ගෙන් රුපියල් ම...

අල් ජසීරා සම්මුඛ සාකච්ඡාවේදි රනිල්ට හොඳටම කේන්ති ගිහින්

අල් ජසීරා සම්මුඛ සාකච්ඡාවේදි රනිල්ට හොඳටම කේන්ති ගිහින්

හිටපු ජනාධිපති රනිල් වික්‍රමසිංහ පසුගියදා ලන්ඩන් බලා පිටත් වූවේ අල් ජසීරා (Al Jazeera) මාධ්‍ය ආයතනය...

ලේක්හවුස් අලුත් සභාපති හනුමට ඇඳගෙන ගේමක් ඉල්ලයි   

ලේක්හවුස් අලුත් සභාපති හනුමට ඇඳගෙන ගේමක් ඉල්ලයි  

සීමාසහිත එක්සත් ප්‍රවත්ති පත්‍ර සමාගමේ නව සභාපතිවරයා ලෙස පත්ව ආ ගාමිණී වරුෂමානගේ ක්‍රියාකාරීත්වය පිළ...

Connet With Us