ජවිපෙ රඟපු අධි ආරක්ෂිත කලාප ඉවත් කිරීමට ජනපති සැරසෙයි    

Published in පුවත්
Tuesday, 27 September 2022 15:37

කොළඹ නගරයේ විශේෂ මර්මස්ථානයන් කිහිපයක් අධි ආරක්ෂිත කලාප ලෙස නම් කරමින් ජනාධිපති රනිල් වික්‍රමසිංහ ආරක්ෂක අමාත්‍යවරයා වශයෙන් නිකුත් කළ ගැසට් පත්‍රය බල රහිත කිරීම සඳහා අවශ්‍ය කටයුතු සොයාබලන ලෙස ජනාධිපති රනිල් වික්‍රමසිංහ නීතිපතිවරයා වෙත උපදෙස් දී ඇතැයි විශ්වසනීය ආරංචි මාර්ග තහවුරු කරයි.

අධි ආරක්ෂිත කලාප නම් කිරීමත් සමඟ ජනතා විමුක්ති පෙරමුණ අනු බද්ධ සමාජවාදී තරුණ සංගමය ඊට එරෙහිව උද්ඝෝෂණ ව්‍යාපාරයක්ද දියත් කළ අතර එහිදී පොලිසිය විසින් 84 දෙනෙකු අත් අඩංගුවට ගෙන පසුව නිදහස් කර තිබිණි. මෙම අත් අඩංගුවට ගැනීමට එරෙහිවද ජවිපෙ විරෝධය පළ කරමින් විශාල ප්‍රචාරක මෙහෙයුමක් දියත් කළ අතර දෙවන අරගලය ඔවුන් විසින් ආරම්භ කරන බවට ද සහතිකයක් ජනතාවට දී තිබිණි..

කෙසේ නමුත් මෙම සිදුවීම මහජන ආරක්ෂක අමාත්‍ය ටිරාන් අලස් සමඟ ජවිපෙ පවතින මිත්‍රත්වය නිසා ජවිපෙ ප්‍රචාරක කටයුත්තක් වෙනුවෙන් නිර්මාණය කරන ලද සිදුවීමක් බවටද සමාජ මාධ්‍ය තුළ අදහස් ප්‍රචාරය විය. ජවිපෙට තිබු සමාජ ආකර්ෂණය පසුගිය කැරලි සමයේදී ඔවුන්ට අහිමිව පෙරටුගාමී පක්ෂයට හිමිව තිබීම මෙයට හේතුව යැයිද කියැවිණි.

කෙසේ නමුත් මහජන ආරක්ෂක අමාත්‍යංශයේ ඉහළ පෙළේ නිලධාරීන් පිරිසක් විසින් ඉදිරිපත් කළ කරුණු හා නිර්දේශයන් මත ජනාධිපති රනිල් වික්‍රමසිංහ විසින් පසුගියදා මෙම ගැසට් පත්‍රය නිකුත් කර තිබිණි.

එහෙත් මෙම ගැසට් පත්‍රය හේතුවෙන් කොළඹ නගරයේ කේන්ද්‍රීය ආර්ථික කලාපය තුළ ව්‍යාපාර ක්‍රියාකාරකම් සඳහා දැඩි බලපෑමක් එල්ල වනු ඇති බවට ආර්ථික විශේෂඥයින් කණ්ඩායමක් විසින් ජනාධිපති රනිල් වික්‍රමසිංහට දීර්ඝ කරුණු දැක්වීමක් සිදුකර තිබේ.

කොළඹ නගරය තුළ වරින් වර ඇතිවන උද්ඝෝෂණ නිසා ආර්ථිකමය වශයෙන් සිදුවන හානිය ඉතා ඉහළ බවත්, නමුත් මෙම අධි ආරක්ෂිත කලාප නම් කිරීම හරහා වෙනත් ගැටළ් ඇතිවිය හැකි බවත් එම විශේෂඥ කණ්ඩායම පෙන්වා දී තිබේ.

ඒ අනුව මෙම අධිආරක්ෂිත කලාප ඉවත් කොට ඒ වෙනුවට බුද්ධි අංශ සම්බන්ධිකරණය කරගනිමින් විශේෂ ආරක්ෂක වැඩපිළිවෙලක් සකස් කරන ලෙස ජනාධිපතිවරයා මහජන ආරක්ෂක අමාත්‍යාංශය ප්‍රමුඛ අදාළ අංශ වෙත උපදෙස් ලබාදී තිබේ.

කෙසේ වෙතත් මෙම ගැසට් නිවේදනය අවලංගු කිරීමට නම් ජනාධිපතිවරයාගේ අත්සනම යෙදිය යුතු බැවින් ජපාන සංචාරය අවසන් වී ජනාධිපතිවරයා මෙරටට පැමිණීමෙන් අනතුරුව මෙය සිදුකිරීමට නියමිතය.

Last modified on Tuesday, 27 September 2022 15:39

Leave a comment

Gossip

හැකි නම් අයවැය පරාජය කරන්න! ජනපතිගෙන් බැසිල් පිලට අභියෝගයක්

හැකි නම් අයවැය පරාජය කරන්න! ජනපතිගෙන් බැසිල් පිලට අභියෝගයක්

වහාම කැබිනට් මණ්ඩලය පත් නොකළහොත් අයවැය පරාජය විය හැකි බවට අනතුරු අඟවන්නට ගිය පොහොට්ටුවේ ප්‍රබලයින් ප...

මහින්ද එක්කත් බෑ..රනිල් එක්කම යන්න පොහොට්ටු ප්‍රබලයන් සැරසේ..   

මහින්ද එක්කත් බෑ..රනිල් එක්කම යන්න පොහොට්ටු ප්‍රබලයන් සැරසේ..  

මහින්ද සමග යළි නැගිටීම පසෙක තබා රනිල් වික්‍රමසිංහ හා එක්ව යන දේශපාලන ගමනක් වෙනුවන් රාජපක්ෂ පවුලේ දේශ...

එජාපය මහ මැතිවරණයට සූදානම් වෙයි. රවීට මහ ලේකම් තනතුර.

එජාපය මහ මැතිවරණයට සූදානම් වෙයි. රවීට මහ ලේකම් තනතුර.

එජාපය මහ ලේකම් තනතුරට හිටපු අමාත්‍ය රවී කරුණානායක පත්කිරීමට තීරණය කර ඇති බව වාර්තා වේ. එමෙන්ම එජාපයේ...

පවර්, විපක්ෂයේ ඉල්ලීම් තඹේකට මායිම් කරලා නෑ ! මහ මැතිවරණ ඉල්ලන්න පිස්සු දැයි අහලා

පවර්, විපක්ෂයේ ඉල්ලීම් තඹේකට මායිම් කරලා නෑ ! මහ මැතිවරණ ඉල්ලන්න පිස්සු දැයි අහලා

වත්මන් ජනාධිපතිවරයාට සහ ආණ්ඩුවට ජනමතයක් නොමැති බැවින් වහාම මහමැතිවරණයක් පැවැත්වීමට බලපෑම් කරන ලෙස වි...

අනං මනං

ආත්මය විකුණු ප්‍රේමය ...

ආත්මය විකුණු ප්‍රේමය ...

එදාත් හරි ලස්සනට ඉර පායපු දවසක්උඹ ඇවිත් මගේ ලෝකේ පාට කරා බලාපොරොත්තු හින පෙන්නුවාමාත් හරි අසාව...

Connet With Us