ඉදිරිය සුබ වන ලකුණු! රට වෙනුවෙන් වගවෙමු!!

Published in පුවත්
Wednesday, 22 June 2022 21:00

තවත් බොරතෙල් සහ දැවි තෙල් තොගයක් සඳහා අමෙරිකානු ඩොලර් මිලියන 34ක් ගෙවා ඇති බව අමාත්‍ය කංචන විජේසේකර මහතා ට්විටර් පණිවුඩයක් නිකුත් කරමින් පවසයි.

එම ඉන්ධන විදුලිබල උත්පාදනයට හා කාර්මික කටයුතු සඳහා යොදා ගැනීමට සැලසුම්කර ඇත.

නොරොච්චෝලේ විදුලි බලාගාරය, යළි විදුලිබල සැපයුමට එක් කරන තෙක් දෛනික විදුලි කප්පාදුව පැය දෙක හමාරේ සීමාවේ තබා ගැනීමට සැලසුම් කර ඇති බවත් අමාත්‍යවරයා සදහන් කරයි.

මේ අතර ගෑස් මෙට්‍රික් ටොන් ලක්ෂයක් ලබා ගැනීම සදහා ලෝක බැංකුවේද සහායෙන් ශ්‍රී ලංකාව කටයුතු කරමින් සිටින බව අග්‍රාමාත්‍ය රනිල් වික්‍රමසිංහ මහතා අද පාර්ලිමේන්තුවේදී ප්‍රකාශ කළා. ඉන්දියාවෙන් ඉදිරියටත් ණය සහන ලබා ගැනීම සඳහා සාකච්ඡා කිරීමට ඉන්දීය නියෝජිත පිරිසක් හෙට දිවයිනට පැමිණෙන බව අග්‍රාමාත්‍ය රනිල් වික්‍රමසිංහ මහතා පවසා ඇත.

මේ මොහොතේ අප කොයි කව්රුත් බැලිය යුත්තේ කෙසේ හෝ රට ගොඩ නැගීමට සහාය දීම මිස මේ අර්බුදයේ නිර්මාණකරුවන්ගේ පට්ටන්දර සෙවීම නොවේ..අර්බුදයේ නිර්මාණකරුවන් සොයන්නට ගියහොත් අපට ඉතිහාසයේ කොයි කෙළවරකින් අවසන් කරන්නට සිදුවේ දැයි කිව නොහැක. අනෙක ඉතිහාසය යනුම ප්‍රබන්ධයකි. යථාර්ථය වර්තමානයයි. ඉතිහාසගත වැරදි ක්‍රියාමාර්ග වල ප්‍රතිපලය දැන් අප කාට කාටත් බුක්ති විදීමට සිදුව ඇත. අප විසඳා ගත යුත්තේ අනාගතය පිළිබඳ ප්‍රශ්නයයි.

මේ මොහොතේත් බොරදියේ මාළුබාන දේශපාලන පක්ෂ මේ අර්බුදයේ නිර්මාණ කරුවන් යැයි කියමින් තවමත් එකිනෙකාට ඇගිලි දික් කරමින් මඩ අවලාද ගසමින් ඇත. ඉන් එහා රට ගොඩ ගැනීමට කිසිදු ඇත්ත උවමනාවක් කිසිදු මේ දේශපාලන පක්ෂවලට නොමැති බව පැහැදිලිය.. කෙසේ වෙතත් මේ මොහොතේ මේ අර්බුදයෙන් මිදීම සදහා වත්මන් ආණ්ඩුව හැකි සෑම උත්සාහයක්ම ගනිමින් ඇත..විය යුත්තේද එයම පමණි..එසේ නොමැතිව රටවැසියාට හෝ පැත්තකට වී කෑ මොරගාන කිසිවකුට හෝ පැවැත්මක් ද නැත. ඔවුන්ගේ මුග්ධකම් ගැන අනුකම්පා කළ යුතුය.

මේ මොහොත යනු රට වෙනුවෙන් සෑම සියළු දෙනාගේ වගවීම විය යුතු මොහොතකි. ගෙදර වැඩිපුර දැල්වෙන විදුලි පහනක් හෝ නිවා රටේ උන්නතිය වෙනුවෙන් දායක විය යුතු මොහොතකි. රට වෙනුවෙන් කළ හැකි තවත් බොහෝ දේ තිබේ. ඒ සොයන්න,අලුත් අලුත් අදහස් ගොඩ නගන්න, තව අයට කියන්න. එකට එකතුවී වැඩ කරමු. අපි එකිනෙකා එහෙම හිතුවොත්, එහෙම වැඩ කොළොත් මේ රට ගොඩනැගීම අසීරු නොවේ.

-මහේෂි

Leave a comment

Gossip

චම්පිකගේ කරුමය

චම්පිකගේ කරුමය

රාජගිරියේදී වූ රිය අනතුරට අදාලව සමගි ජන බලවේගය පාර්ලිමේන්තු මන්ත්‍රී පාඨලී චම්පික රණවකට එරෙහිව පසුගි...

වඳ සැත්කම් කළා කිව් දොස්තර සාෆිට සියලු හිඟ වැටුප් ගෙවයි   

වඳ සැත්කම් කළා කිව් දොස්තර සාෆිට සියලු හිඟ වැටුප් ගෙවයි  

සිංහල කාන්තාවන් දහස් ගණනකට වඳ සැත්කම් කරන ලදැයි චෝදනා කරමින් දීර්ඝ කාලයක් අත් අඩංගුවේ රදවාගෙන සිට නි...

බෝම්බ ප්‍රහාරයෙන් ආබාධිත වූ මහින්ද විජේසේකරට කළ අපහාසයට මනූෂට දැඩි විරෝධයක්..

බෝම්බ ප්‍රහාරයෙන් ආබාධිත වූ මහින්ද විජේසේකරට කළ අපහාසයට මනූෂට දැඩි විරෝධයක්..

ධීවර රාජ්‍ය ඇමති කාංචන විජේසේකර මහතාගේ පියා වූ හිටපු අමාත්‍ය මහින්ද විජේසේකර එල්ටීටීඊ බෝම්බ ප්‍රහාරය...

අනුරයියාගේ ‍රැල්ල...

අනුරයියාගේ ‍රැල්ල...

බුකියේ ‍රැළි හැදීම සාමාන්‍ය දෙයක්..ඒවාත් මුහුදු රැළි වගේ එනවා යනවා. සමහර ඒවා අතරමඟදී සුනුවිසුනු වෙයි...

අනං මනං

ආත්මය විකුණු ප්‍රේමය ...

ආත්මය විකුණු ප්‍රේමය ...

එදාත් හරි ලස්සනට ඉර පායපු දවසක්උඹ ඇවිත් මගේ ලෝකේ පාට කරා බලාපොරොත්තු හින පෙන්නුවාමාත් හරි අසාව...

Connet With Us