සෑම නිවසකම රසවත් වර්ණවත් ආහාර වලින් මේස පිරි ඇත..එහෙත් බහුතරයක් දෙනා ප්‍රීතියෙන් අද දිනය සමරන විට අපේම රටේ අපි වගේම හුස්ම ගන්න ,දුක ,සතුට, වේදනාව ...දැනෙන තවත් පිරිසක් සිටින බව ඔබට අමතකදැයි මා ඔබෙන් නොඅසමි...මේ වන විටත් රෝහල් තුළ ජීවිතය යදිමින් සිටින අපේම මිනිසුන් මේ මොහොත වන විටත් ජීවිතය පිළිබඳ බලාපොරොත්තු සහගතව දෑස් අයාගෙන බලා සිටිනවා විය හැකිය...එපමණක් නොව..ඔබට අමතකම වී ගිය තවත් පාර්ශ්වයක් අලුත් අවුරුද්දේ තම ප්‍රියයන් දැක ගැනීමට නොහැකිව හිතින් වේදනා විදිමින් කම්බි කුරු අතරින් බලා සිටින බව ඔබට අමතක දැයිද නොඅසමි..ජම්පරය ඇදී පමණින් සමාජයේ වපර ඇසට ලක් වන මෙම පිරිස සාමාන්‍ය වැසියාට පමණක් නොව ඇති හැකි මෙරට ඉහළ පැලැන්තියටද මෙවන් සුභවාදී මොහොතකත් අමතකව ඇතැයි සිතමි..
එහෙත් වාසනාව කියන වචනයට පිටු පා තම උත්සාහය ,කැපවීම ,අධිෂ්ඨානය මත පමණක් ක්‍රියාකරමින් අද මෙරට ආර්ථිකයට පවා දායකත්වයක් සපයමින් සුවහසක් මිනිසුන්ට රැකි රක්ෂා ලබා දෙන ඇවන්ට්ගාර්ඩ් සමාගම අලුත් අවුරුද්දේ කාටත් අත් හැරුණු මිනිසුන් කොටසකට තවත් සත් ක්‍රියාවක් සිදු කර තිබේ..එනම් වැලිකඩ බන්ධනාගාර රෝහල් ගතව සිටින රැඳවියන් 3000කට උදෑසන ආහාරය සදහා කැවුම්, කිරි බත්,කෙසෙල් ගෙඩි සහ දහවල් ආහාරය සදහා බිරියනි සමග අතුරුපසක් පිළිගැන්වීමට සුදානමින් සිටි..මෙය ඇවන්ට්ගාර්ඩ් ව්‍යාපාර සමූහයේ සභාපති නිශ්ශංක යාපා සේනාධිපති මහතාගේ සංකල්පයකට අනුව ඔහුගේ දායකත්වයෙන් avant-guard manpower recruiment සමාගම විසින් සිදුකරන තවත් එක් මානුෂිය ක්‍රියාදාමයකි..සියලු සිර කරුවන් මනුෂයන්ය. ඒ බව හොඳින් වටහා ගෙන සිටින ඇවන්ට්ගාර්ඩ් ව්‍යාපාරය ඔවුන්ටද වසරක ආරම්භය ප්‍රීතිමත් ,බලාපොරොත්තු සහගත ආරම්භයක් කිරීමට දායක වන්නේ ඒ අයුරින්ය..
-පංචාලි
