ලිට්රෝ සහ ලාෆ් සමාගම් ඒකාබද්ධ කර තෙල් සංසථාව මෙම නව ගෑස් සමාගම පිහිටුවීමට යෝජනා කර තිබිණි. ඒ අනුව ලංකා ඛනිජ තෙල් නීතිගත සංස්ථාව යටතේ පිහිටුවා ඇති Siyolit (Pvt) Ltd නම් සමාගමක් මගින් ඉදිරියේදී SIYOLIT යන වෙළෙඳ නාමයෙන් ගෘහස්ත LP ගෑස් නිෂ්පාදන වෙළෙඳ පොළට නිකුත් කිරීමට සූදානමින් සිටින බව වාර්තා විය. එහෙත් පසුව එම සමාගම් හී එකඟතාවය ඊට හිමිව නොතිබිණි.
මේ අතර, ලිට්රෝ සමාගම විසින් ගෙන්වූ දැනට උස්වැටකෙයියාව මුහුදු තීරයේ නැංගුරම්ලා ඇති අනෙක් නෞකාවේ ද අඩංගු ගෑස් සංයුතියේ ගැටලුකාරි තත්ත්වයක් මතුව ඇති බව ඊයේ (15) වාර්තා විය.
මීට පෙර නිසි ප්‍රමිතියෙන් තොර ගෑස් රැගෙන ආ සමාගමෙන්ම මෙම නෞකාවේ අඩංගු ගෑස් ලබාගෙන ඇත. මේ වනවිට එම නෞකාවේ ගෑස් සාම්පල ද ඛනිජ තෙල් නීතිගත සංස්ථාවේ පරීක්ෂණාගාරය වෙත යොමුකර තිබේ.
