ගුරු - විදුහල්පති වැටුප් වැඩිවිමට අදාළව අමාත්‍ය අනුකමිටුව යෝජනා කළ මුදල එකවර ලබාදිමට අග්‍රාමාත්‍යවරයාගේ ප්‍රධානත්වයෙන් අද පාර්ලිමේන්තුවේදී පැවැති සාකච්ඡාවකදී එකඟ වී තිබේ.
මෙහිදී ශ්‍රි ලංකා විදුහල්පති සේවයේ පළමු ශ්‍රේණියේ නිලධාරියෙකුගේ වැටුප 12120ක මුදලකින් හා ගුරු සේවයේ පළමු ශ්‍රේනනියේ නිලධාරියෙකුගේ වැටුප රුපියල් 11820කින් වැඩිවිමට නියමිතය.
ඊට සමගාමිව ගුරු හා විදුහල්පති සෙසු ශ්‍රේණිවල වැටුප් වැඩිකිරීමට නියමිතය. ලබන අයවැයේදී මෙම යෝජනා ක්‍රියාත්මක කිරීමට නියමිතය. මෙම සාකච්ඡාව සඳහා මුදල් අමාත්‍ය බැසිල් රාජපක්ෂ මහතාද එක්ව තිබේ.
සාකච්ඡාවෙන් අනතුරුව අදහස් දැක්වූ ජොසප් ස්ටාලින් මහතා, අග්‍රාමාත්‍යවරයාගේ ප්‍රධානත්වයෙන් වෘත්තීය සමිති කැඳවලා සාකච්ඡාවක් තිබුණා. ගුරුවරු දින 108ක දැවැන්ත අරගලයක් කරලා සුභෝදනී වාර්තාවේ වැටුප් විශමතා ඉවත් කිරීමට ඉල්ලා සිටියා. දෙන එක කොටස් තුනකට කඩලා දෙන්න හැදුවේ. අපි ඒවා ප්‍රතික්ෂේප කරමින් දැවැන්ත අරගලයක් කළා. යයි පවසයි
ලංකා ගුරු සේවා සංගමයේ ප්‍රධාන ලේකම් මහින්ද ජයසිංහ කියා සිටියේ එම එකඟත්වය ගුරු අරගලයේ ප්‍රථිපලයක් බවයි.
අයවැයේදී මෙම පොරොන්දු ඉටු නොවන්නේ නම් තම අරගලය තවදුරත් ගෙන යන බවද ඔහු අවධාරණය කළා.
