මෙම වයස් කාණ්ඩයේ සියයට සියයක් පිරිස කොවිඩ් මර්දන පළමු මාත්‍රාව ගෙන අවසන් බවත් හැකි ඉක්මණින් දෙවැනි මාත්‍රාව ලබාදී අවසන් කිරීමට පියවර ගන්නා අතර එවිට මෙරට ජනගහනයෙන් සියයට 70 ක් කොවිඩ් මර්දන ප්‍රතිශක්තිකරණයට ලක් කිරීමට හැකි බවත් ඒ මහතා ප්‍රකාශ කළේය. සෞඛ්‍ය ප්‍රවර්ධන කාර්යාංශයේ පැවැති මාධ්‍ය හමුවට සහභාගි වෙමින් ඒ මහතා මේ බව ඊයේ (1) පැවසුවේය. උසස් පෙළ දරුවන්ගේ එන්නත්කරණ වැඩසටහන ද සාර්ථකව ක්‍රියාත්මක වන අතර ලක්ෂ 6 ක පමණ දරුවන් පිරිසක් මේ වන විට එන්නත්කරණයට ලක් කර ඇතැයි ද, ඉදිරි සතියක පමණ කාලයක් තුළදී උසස් පෙළ අපේක්ෂිත දරුවන් එන්නත්කරණය සිදු කර අවසන් කරන්නේ යැයි ද ඔහු කීය. කොවිඩ් මර්දන පළමු මාත්‍රාව (31 වැනිදා) මේ වන විට 15,561,126ක් ද, දෙවැනි මාත්‍රාව 13,463,511ක් ද ලබාගෙන ඇති බව වසංගත රෝග විද්‍යා අංශය සඳහන් කරයි.
-පංචාලි අබේසේකර
