ඒ අනුව මෙරට ජනගහනයෙන් 70%කට කොරෝනා මර්දන එන්නත්කරණය කර ඇති බවයි ඔහු වැඩි දුරටත් කියා සිටියේ.
අමාත්‍යවරයා මේ බව සඳහන් කලේ ශ්‍රී ලංකාවේ හා මාලදිවයිනේ යුරෝපානු සංගම් තානාපති ඩෙනී ටයිබි මහතා ඇතුළු පිරිසක් සෞඛ්‍ය අමාත්‍යංශයේදී හමුවූ අවස්ථාවේදීයි.
මේ අතර ඉදිරි සතියෙන් පසු පාසල්වල සෙසු ශ්‍රේණිද විවෘත කිරීමට සැලසුම් කර තිබෙනවා.
අධ්‍යාපන අමාත්‍ය දිනේෂ් ගුණවර්ධන මේ පිළිබඳව ප්‍රකාශ කළේ ඊයේ (29), මහනුවරදී මල්වතු – අස්ගිරි මහ නාහිමිවරුන් බැහැදැකීමේන් අනතුරුව මාධ්‍ය වෙත අදහස් දක්වමින්.
මේ අතර අපොස සාමාන්‍ය පෙළ සහ උසස් පෙළ පන්ති ආරම්භය සඳහා සෞඛ්‍ය මාර්ගෝපදේශද ඊයේ නිකුත් කර තිබු අතර එම පන්ති ලබන සතියේ සිට ආරම්භ කිරීමටද තීරණය කර තිබේ.
-පංචාලි අබේසේකර
