ඒ අනුව පුද්ගලයින් 10,211,537 දෙනෙකුට කොවිඩ්-19 මර්දන එන්නතේ මාත්‍රා දෙකම ලබාදී ඇති බව වසංගත රෝග විද්‍යා අංශය සඳහන් කළේය.

ඊයේ දිනයේ පුද්ගලයින් 216,050 දෙනෙකු කොවිඩ් මර්දන එන්නතේ දෙවන මාත්‍රාව ලබාගෙන තිබේ.

ඒ අනුව මෙරට සමස්ත ජනගහණයෙන් සියයට 47ක ප්‍රතිශතයක් මේ වනවිට පුර්ණ එන්නත්කරණයට ලක්වී ඇත.

ඊයේ දිනයේ පුද්ගලයින් 135,938 දෙනෙකු පළමු එන්නත් මාත්‍රාව ලබාගැනීම හේතුවෙන් එක් මාත්‍රාවක් හෝ ලබාගත් පුද්ගලයින් සංඛ්‍යාව 01 කෝටි 32 ලක්ෂ 64,806 දෙනෙකු දක්වා ඉහළ ගොස් තිබේ.

එය සමස්ත ජනගහණයෙන් සියයට 62ක ප්‍රතිශතයකි.

මෙරට ‍වයස අවුරුදු 30ට වැඩි ජනගහණයෙන් සියයට 83ක ප්‍රතිශතයක් සහ වයස අවුරුදු 20ත් 29ත් අතර ජනගහණයෙන් සියයට 12ක් මේ වනවිට පුර්ණ එන්නත්කරණයට ලක්වී ඇති බවද වසංගත රෝග විද්‍යා අංශය පැවසීය.