සතියකට දෙතුන්වතාවක් ක්ෂණික නූඩ්ල්ස් ආහාරයට ගැනීම මෙවැනි රෝගාබාධ ඇතිවීමේ ප්‍රවණතාව වැඩි කරන බව මේ පරීක්ෂණවලදී අනාවරණය වී ඇත.
මෑතක සිට ආසියානු රටවල ක්ෂණික නූඩ්ල්ස් හා රමෙන් නම් නූඩ්ල්ස් වර්ගයේ පරිභෝජනය ඉහළ ගොස් ඇති අතර මෙවැනි ක්ෂණික ආහාර අධික ලෙස පරිභෝජනය කරන දකුණු කොරියාවේ හෘදය රෝගීන් සංඛ්‍යාව මෙන්ම සිරුරේ බර වැඩිවීමේ තත්ත්වය ද වර්ධනය වී ඇතැයි ඔවුහු පෙන්වා දෙති.
ක්ෂණික නූඩ්ල්ස් හා එවැනි ආහාරවල අධික ලුණු සාන්ද්‍රණය ද ඛනිජ ලවණ ද හෘදයාබාධ හා ආඝාතයට මූලික හේතුව බව ඔවුහු පෙන්වා දෙති.
එමෙන්ම පෙට්‍රෝලියම් නිෂ්පාදනයේ අතුරු ඵලයක් වන ටර්ටියරි බියුටයිල් හයිඩ්‍රො කුවිනෝන් නමැති රසායනිකය මේ ආහාර කල්තබා ගැනීමට යොදා ගන්නා බවද මෙය ලිංගික හෝමෝනයක් වන ඊස්ට්‍රජන්වලට සහ සිරුරේ පරිවෘත්තිය ක්‍රියාවලියට සෘජුව බලපාන අතර සිරුරේ පණිවුඩ ගෙන යෑමේ ක්‍රියාවලියට ද බලපෑම් කරයි.
බොස්ටන්හි මැසචුසේස්ට් මහ රෝහලේ දී කළ පර්යේෂණ මඟින් ද ක්ෂණික නූඩ්ල්ස් ආහාරයට ගැනීමෙන් පසු ජීර්ණය වීමේ දී ඇතිවන අපහසුතා නිරීක්ෂණය කැර ඇත.
