කුරුණෑගල, කෑගල්ල සහ ගාල්ල දිස්ත්‍රික්කවල පානීය ජල ව්‍යාපෘති තුනක් විවෘත කිරීමේ අවස්ථාව සමඟ සූම් තාක්ෂණය ඔස්සේ එක්වෙමින් ඊයේ (21) දින අරලියගහ මන්දිරයේ දී අග්‍රාමාත්‍යවරයා ඒ බව සඳහන් කර තිබේ.

කුරුණෑගල දිස්ත්‍රික්කයේ දැදුරු ඔය ජල සම්පාදන යෝජනා ක්‍රමය, කෑගල්ල දිස්ත්‍රික්කයේ ගලිගමුව ජල සම්පාදන යෝජනා ක්‍රමය සහ ගාල්ල දිස්ත්‍රික්කයේ හපුගල ජල සම්පාදන යෝජනා ක්‍රමය මෙලෙස ජනතා අයිතියට පත්විය.

සෞභාග්‍යයේ දැක්ම ප්‍රතිපත්ති ප්‍රකාශයේ එන වර්ෂ 2025 දී සැමට ජලය තේමාව යථාර්ථයක් බවට පත්කරමින් ජනතා අයිතියට පත්වූ මෙම ජල සම්පාදන ව්‍යාපෘති ඔස්සේ කුරුණෑගල, කෑගල්ල සහ ගාල්ල දිස්ත්‍රික්කයන්හි ප්‍රාදේශිය ලේකම් කොට්ඨාස 07ක ග්‍රාම නිලධාරී වසම් 377ක ජනතාවට සෙත සැලසෙනු ඇත.

දැදුරු ඔය ජල සම්පාදන යෝජනා ක්‍රමයට රුපියල් කෝටි 1022ක්, ගලිගමුව ජල සම්පාදන යෝජනා ක්‍රමයට රුපියල් කෝටි 230ක් සහ හපුගල ජල සම්පාදන යෝජනා ක්‍රමයට රුපියල් කෝටි 32ක් වැය කර ඇති අතර මෙම ඉදිකිරීම්වලින් වැඩි ප්‍රතිශතයක් දේශීය ඉංජිනේරුවන් විසින් ජල සම්පාදන හා ජලාපවහන මණ්ඩලයේ සහ දේශීය සමාගම්වල මැදිහත් වීමෙන් ඉටුකර තිබේ.

-පංචාලි අබේසේකර