මෙම නව චක්‍රලේඛයට පළමු ශ්‍රේණියේ පන්තියකට ඇතුළත් කෙරෙන සිසුන් සංඛ්‍යාව හතළිහක් දක්වා වැඩි කිරීමේ සංශෝධනයද ඇතුළත්.
මෙම සංශෝධනයට අමතරව පදිංචිය තහවුරු කෙරෙන ලේඛනවලට අදාළව සහ තවත් සංශෝධන කිහිපයක් මෙවර චක්‍රලේඛයට ඇතුළත් වන බවයි වාර්තා වෙන්නේ.
පළමු ශ්‍රේණීයට සිසුන් ඇතුළත් කිරීම සඳහා ලබන මස මුල සිට අයැදුම්පත් කැඳවීමට සැලසුම් කර ඇත.
මීට වසර පහකට පෙර ශ්‍රේෂ්ඨාධිකරණය ලබා දුන් තීරණයක් අනුව මෙම වසරේ සිට ඉදිරියට පළමු ශ්‍රේණියේ පන්තියක ශිෂ්‍ය සංඛ්‍යාව තිස්පහක් වුවත් ජනප්‍රිය පාසල් සඳහා පවතින ඉල්ලුම සලකා බලා එම සංඛ්‍යාව හතළිහක් දක්වා වැඩි කිරීමට පියවර ගත් බව අමාත්‍යාංශය පවසයි.
-පංචාලි අබේසේකර
