ගෑස් මිල වැඩි කිරීමට අවසර නොදීම නිසා රටේ ගෑස් හිගයක් !

Published in පුවත්
Tuesday, 04 May 2021 09:58

ගෑස් මිල වැඩි කිරීමට අවසර නොදීම හේතුවෙන් ගෑස් සමාගම් ණයවර ලිපි විවෘත නොකර ආනයනය ප්‍රමාද කිරීම නිසා ගෑස් හිගයක් මතුව ඇති බව වෙළෙද ඇමැති බන්දුල ගුණවර්ධන කැබිනට් මණ්ඩලයට ඊයේ (03 වැනිදා) දැනුම් දී තිබේ.

ජනාධිපති ගෝඨාභය රාජපක්ෂගේ ප්‍රධානත්වයෙන් පැවැති අමාත්‍ය මණ්ඩල රැස්වීමේදී මෙම දැනුම්දීම සිදු කර ඇත. ගෑස් හිඟය ඇතිවීමට බලපා ඇති කරුණු සොයා බලා අවශ්‍ය පියවර ගන්නා ලෙස ජනාධිපතිවරයා මෙහිදී වෙළෙඳ අමාත්‍යවරයාට උපදෙස් ලබාදී තිබේ.

මේ පිළිබඳව ලාෆ් ගෑස් සමාගමේ සභාපති ඩබ්.කේ.එච්. වෑගපිටියගෙන් කළ විමසුමකදී ඔහු පැවසුවේ දැනටමත් හිඟයක් මතුව ඇති බවයි.

ලෝක වෙළෙඳපොළේ ගෑස් මිල ඉහළ යාමට සාපේක්ෂව ගෑස් මිල සංශෝධනය කරන ලෙසට ආණ්ඩුවෙන් ඉල්ලා සිටියත් යහපත් ප්‍රතිචාර නොලැබුණු බව ඔහු අවධාරණය කර සිටියේය. ගෑස් මිල රුපියල් 400කින්වත් වැඩි කළ යුතු බව පෙන්වා දුන් ඔහු දැනට සෑම ගෑස් සිලින්ඩරයකින්ම රුපියල් 550ක පාඩුවක් ලබන බවද කියා සිටියේය. තවද මෙම ගැටලුව සම්බන්ධයෙන් ජනාධිපතිවරයා, වෙළෙඳ අමාත්‍යවරයා සහ රාජ්‍ය අමාත්‍යවරයා දැනුවත් කළද විසඳුමක් නොලැබුණ බව ඔහු පැවසීය.

එහෙත් ලිට්රෝ ගෑස් සමාගමේ සභාපති අනිල් කොස්වත්ත පැවැසුවේ අවශ්‍ය තරම් තොග තිබෙන බැවින් ගෑස් හිඟයක් නොමැති බවයි. තම ආයතනයට දින තුනකට වරක් ගෑස් රැගත් නෞකාවක් පැමිණෙන බවද ඔහු අනාවරණය කළේය. නමුත් ගෑස් මිල වැඩි නොකිරීම නිසා තම ආයතනයද ගැටලුවකට මුහුණ දී සිටින බව ඔහු පෙන්වා දුන්නේය.

-අරුණ

Leave a comment

ld add copy

Gossip

රනිල්ගේ දරුවෝ ගේම ඉල්ලලා

රනිල්ගේ දරුවෝ ගේම ඉල්ලලා

ශ්‍රී ලංකා පොදුජන පෙරමුණේ විධායක සභා රැස්වීමක් පසුගිය 27 වෙනිදා පැවැත්විලා තිබුණා. ඒ, හිටපු ජනාධිපති...

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

උමාලි තිලකරත්න කියලා කියන්නේ හැමෝම ආදරය කරන රංගන ශිල්පිණියක්. ඇය ඉතාම ආදරෙන් විවාහා වී සිටියේ සාරංග...

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

"පාස්කු ප්‍රහාරය සැබෑ ලෙසම කළේ කවුරුන්ද කියලා තවම කිසි කෙනෙක් කියලා නෑ. ඒක මම දන්නවා කවුද කළේ කියලා"

ප්‍රමිතියේ ගැටලුවක් නිසා mc ලංකාව හැර යන්න සුදානමින්

ප්‍රමිතියේ ගැටලුවක් නිසා mc ලංකාව හැර යන්න සුදානමින්

මෙරට පිහිටි සියලුම මැක්ඩොනල්ඩ් අවන්හල් ශාඛාවන් නැවත දැනුම් දෙන තුරු වසා දමා තිබේ.

Connet With Us