ඊයේ පෙත්සම් විභාගයට අතරමැදි පාර්ශ්වකරුවෙකු ලෙස සම්බන්ධ වී සිටින ජනාධිපති ලේකම් පී.බී. ජයසුන්දර වෙනුවෙන් ජනාධිපති නීතිඥ රොමේෂ් ද සිල්වා කරුණු දැක්විය.
ඔහු කියා සිටියේ චීනය අප රටේ දීර්ඝ කාලීන මිතුරෙකු වන නිසා කොළඹ වරාය නගර ආර්ථික කලාපය මෙහෙයවීමේ කටයුතු චීන ජාතිකයින් අතට පත්වීම සම්බන්ධයෙන් කිසිවෙකු අසුබවාදීව නොසිතිය යුතු බවය.
එය එක්තරා දුරකට ශ්‍රී ලාංකීකයින්ට සතුටු විය හැකි කරුණක් බව ජනාධිපති නීතිඥවරයා සදහන් කළේය.
රොමේෂ් ද සිල්වා මහතා කියා සිටියේ කොළඹ වරාය ආර්ථික කලාපය චීන කොලනියක් බවට පත් කරමින් සිටින බවට ඇතැම් නීතිඥයින් චෝදනා කරනුයේ ද චීන රජය විසින් ඉදිකර පරිත්‍යාග කළ උපරිමාධිකරණ සංකීර්ණය තුළ සිටම වීම එක්තරා දුරකට හාස්‍යයට කරුණක් බවය.
එම කොමිෂන් සභාවේ සියලු සාමාජිකයින් පත් කරනුයේ ජනාධිපතිවරයා විසින් වන බැවින් එමගින් ශ්‍රී ලංකා ආණ්ඩුක්‍රම ව්‍යාවස්ථාව කිසිදු අයුරකින් උල්ලංඝණය නොවන බව ද ඔහු අවධාරණය කළේය.
අද සිව්වන දිනටත් මෙම පෙත්සම් විභාගය සිදුවේ.
