මෙම නඩුව විභාගයට ගැනුණේ කොළඹ මහාධිකරණ විනිසුරු නාමල් වලල්ලේ ඉදිරියේදියි . අධිචෝදනා පත්‍රය කියවා දීමෙන් පසුව පාඨලී චම්පික රණවක වෙනුවෙන් පෙනී සිටි නීතිඥවරයා අධිකරණය හමුවේ කරුණු දක්වමින් මෙම චෝදනා විභාග කිරීමට මහාධිකරණයට අධිකරණ බලයක් නැති බව සදහන් කරමින් මූලික විරෝධතාවක් ඉදිරිපත් කිරීමට තම ජ්‍යෙෂ්ඨ නීතිඥවරයා අපේක්‍ෂා කරන බව ප්‍රකාශ කළා.
ඒ සම්බන්ධයෙන් විරෝධය පළ කළ පැමිණිල්ල වෙනුවෙන් පෙනී සිටි නියෝජ්‍ය සොලිසිටර් ජෙනරාල් දිලීප පීරිස් මෙවැනි විරෝධතාවක් ඉදිරිපත් කළ හැක්කේ නඩුවේ මුල් අවස්ථාවේදී බව කියාසිටියා. මේ වන විට විත්තිකරුට අධිචෝදනා පත්‍ර භාර දී ඔහුට අධිකරණය මගින් ඇප නියම කර ඇති බැවින් ඔහු අදාළ චෝදනාවලට යටත්වී ඇති බවයි නියෝජ්‍ය සොලිසිටර් ජනරාල්වරයා ප්‍රකාශ කළේ. කෙසේ වුව ද මූලික විරෝධතාව පිළිබද විමසීම අප්‍රේල් මස 27 වනදා සිදු කරන ලෙසට අධිකරණය නියෝග කළා.
-පංචාලි අබේසේකර
