එමෙන්ම 2019 වසරේ එම අධිකාරියේ අලුත්වැඩියා හා නඩත්තු වියදම් ලෙස රුපියල් කෝටි පහක් වියදම් කර ඇති අතර එය 2020 වසරේ රුපියල් කෝටි දෙකක් දක්වා අඩු කරගෙන ඇති බවත් ඔහු සදහන් කරයි.
මේ වන විට ජාතික නිවාස සංවර්ධන අධිකාරියේ වියදම 2019 වසරට සාපේක්ෂව 2020 වසරේදී රුපියල් කෝටි එකසිය හතරකින් අඩුකර ගෙන ඇත.
2019 වසරේ එම අධිකාරියේ වියදම රුපියල් කෝටි එකසිය අනූ තුනකි. 2020 වසරේදී එය රුපියල් කෝටි අසූ නවයක් දක්වා අඩු කරගෙන තිබේ. ප්‍රවාහන වියදම්, අධ්‍යක්ෂ මණ්ඩල දීමනා, අලුත්වැඩියා හා නඩත්තු වියදම්, අතිකාල දීමනා ආදිය සඳහා 2019 වසරේදී අනවශ්‍ය ආකාරයට මුදල් වියදම් කර තිබූ බව ජාතික නිවාස සංවර්ධන අධිකාරියේ සභාපති ප්‍රකශ කරයි.
අතිකාල දීමනා ලෙස 2019 වසරේදී රුපියල් කෝටි දහයක් වැයකර ඇත. 2020 වසරේදී එය රුපියල් කෝටි හතරක් දක්වා අඩු කිරීමට හැකිවූ බවද ඔහු සදහන් කරයි.
රාජකාරි කටයුතු නොතිබුණද බොහෝ සේවකයන් නිවාඩු දිනයන්හිදී සේවයට වාර්තා කර අතිකාල දීමනා ලබාගැනීම නිසා 2019 වසරේදී අතිකාල ගෙවීම ඉහළ ගොස් තිබිණි.
-පංචාලි අබේසේකර
