පාස්කු කොමිසමේ නිර්දේශ, දේශපාලන අර්බුධයකට මඟ පාදයි.. Featured

Published in පුවත්
Tuesday, 23 February 2021 15:26

පාස්කු ඉරිදා ප්‍රහරය සම්බන්ධයෙන් හිටපු ජනාධිපති මෛත්‍රීපාල සිරිසේන පත්කළ ජනාධිපති කොමිසමෙහි අවසන් වාර්ථාව අද පාර්ලිමේන්තුවේ කතානායක වරයාට බාර දීම සිදු කොට තිබිණි. ඊයේ සවස එය අමාත්‍ය මණ්ඩලයේ සාමාජිකයන් වෙත ලබා දීමද ජනාධිපති ගෝඨාභය රාජපක්ෂ පියවර ගෙන තිබිණි.

මේ වන විට එම කොමිසම් සභා වාර්තාවේ නිගමන සහ නිර්දේශයන් සමාජ මාධ්‍ය තුල ප්‍රසිද්ධ වීම ආරම්බ වීද තිබේ. එම තොරතුරු අනුව මෙම කොමිසමෙහි නිගමනයන් සම්බන්ධයෙන් සෑහීමකට පත්විය නොහැකි බවට බොහෝ දෙනා කරුණු දක්වමින් තිබේ.

කොහොම නමුත් මෙම නිගමන වලදී ප්‍රහාරයට යම් ආකාරයකට වගකිව යුත්තන් ලෙස නම් කර තිබෙන හිටපු ජනාධිපතිවරයා ඇතුලු නිලධාරීන් සම්බන්ධයෙන් ' ..අපරාධ නඩු පැවැරීම පිළිබඳව සලකා බැලීම සඳහා මෙහි සම්පූර්ණ වාර්තාව නීතිපතිවරයා වෙත බාර දීම මැනවයි...' කියා අවසන් නිර්දේශය ලබා දී තිබේ. එනම් මෙම කොමිසන් සභාව මෙම චූදිතයන්ට එරෙහිව නෛතික ක්‍රියා මාර්ග ගැනීමේ හැකියාවක් ඇති බව විශ්වාස නොකරන බව පැහැදිලිය.

එසේම මෙම වාර්ථාවේ තවත් නිර්දේශයන් ගනනාවක් ඉදිරිපත් කර ඇති අතර ඒවා රටේ සංහිඳියාව පවත්ගෙන යෑම සහ ජාතික ආරක්ෂාවට බලපවත්වන පරිද්දෙන් ඉදිරිපත් කර තිබුණද ඉට අදාලව මෙරට සෑම ක්ෂේත්‍රයකම පාහේ තිබෙන අර්බුධ ගනනාවක තාර්කික ප්‍රතිපලයක් ලෙස මෙම පාස්කු ප්‍රහාරය එල්ල වී ඇති බව පෙන්වා දෙයි. අධ්‍යාපන ක්ෂේත්‍රය, රටේ ඉඩම් නීති රීති, මැතිවරණ ක්‍රමය ආදී වශයෙන් ක්ෂේත්‍ර ගනනාක් ගැන මෙම කොමිසම සිය අවධානය යොමුකරමින් වහා සිදු විය යුතු වෙනස්කම් රැසක් නිර්දේශ කරයි.

කෙසේ නමුත් මෙම නිර්දේශයන් බොහොමයක් මීට පෙර අවස්ථාවලදීත් මේ සමාජය තුල බරපතල ලෙස සාකච්ඡාවට නැගුණු ඒවා වේ. එහෙත් ප‍ටු දේශපාලනික වුවමනාවන් මත ඒ බොහොමයක් දේ මේ රට තුල ක්‍රියාත්මකවීම පටු දේශපාලනය පාක්ෂිකභාවයන් විසින් වලක්වනු ලැබ තිබිණි.

මේ අනුව මෙම කොමිසම ඉදිරිපත් කරන බොහොමයක් නිර්දේශයන් ක්‍රියාත්මක කිරීම වත්මන් දේශපාලන ගොහොරුව විශාල කැළඹීමකට යටත් කරන බවත් පැහැදිලිය. මේ නිසා ආණ්ඩුවත් විපක්ෂයත් මෙහිදී ව්‍යාකූලත්වයකට පත්වෙනු ඇත. කොහොම නමුත් මේ ගැන ඉදිරි සතිවල විශාල කතිකාවකට මුලපිරිය හැකි තරම් බොහෝ දේ මෙම කොමිසම් වාර්ථාව තුල අඩංගුය.

1234

Leave a comment

Gossip

පාස්කු කොමිසමේ වාර්තාව කැබිනට්ටුවට දුන්නේ කාගෙවත් බලපෑමකට නොවේ.

පාස්කු කොමිසමේ වාර්තාව කැබිනට්ටුවට දුන්නේ කාගෙවත් බලපෑමකට නොවේ.

පාස්කු කොමිසමේ වාර්තාව කැබිනට් මණ්ඩලයට සහ කථානායකවරයාට ලබාදුන්නේ විපක්ෂයෙන් හා කාදිනල් හිම...

රනිල් - සජිත් හමුවෙති...

රනිල් - සජිත් හමුවෙති...

එක්සත් ජාතික පක්‍ෂ නායක රනිල් වික‍්‍රමසිංහ සහ විපක්‍ෂ නායක සජිත් ප්‍රේමදාස අතර විශේෂ හමුවීමක් සිදුව...

ජනපති කෙරෙහි ඇතැම් භික්ෂුන්ගේ විරෝධයට හේතුව කුමක්ද?

ජනපති කෙරෙහි ඇතැම් භික්ෂුන්ගේ විරෝධයට හේතුව කුමක්ද?

පසුගිය ජාතික නිදහස් දින උලෙළ හමුවේ ජනාධිපති ගෝඨාභය රාජපක්ෂ කළ ප්‍රකාශයෙහි අවධාරණ කරනු ලැබු වැදගත් කර...

හරීන්ටත් සජිත්ගේ නායකත්වය ඇති වෙලා...රනිල්ට දුක කියලා

හරීන්ටත් සජිත්ගේ නායකත්වය ඇති වෙලා...රනිල්ට දුක කියලා

සමගි ජන බලවේගයේ ක්‍රියාශීලී මන්ත්‍රීවරයකු මෙන්ම එහි උප සභාපති පාර්ලිමේන්තු මන්ත්‍රී හරීන් ප්‍රනාන්දු...

Connet With Us