පළාත් මාර්ගස්ථ මගී ප්‍රවාහන අධිකාරියේ ප්‍රාදේශීය කළමනාකරු පැවසුවේ ඒ සමග දෛනික ගමන්වාරද තාවකාලිකව අත්හිටුවීමට පියවර ගත බවයි.
සෞඛ්‍ය අංශ මගින් ලබා දී තිබූ උපදෙස් උල්ලංඝනය කරමින් වැඩිපුර මගීන් ප්‍රවාහනය කරන බවට පසුගිය කාලය පුරා බස්නාහිර පළාතේ ප්‍රාදේශීය කාර්යාල හතකට පැමිණිලි රැසක් ලැබී තිබුනා.
පසුව කරන ලද පරික්ෂාවලදී ආසන ගණන ඉක්මවා මගීන් ප්‍රවාහනය කළ මෙම පෞද්ගලික බස් රථ 51 හඳුනා ගෙන ඇත.
මෙම බස්රථ පිටකොටුව සිට කොට්ටාව, හෝමාගම, මහරගම, මත්තේගොඩ, අවිස්සාවේල්ල, කොට්ටාව-පිලියන්දල, මහරගම-පිළියන්දල, මහරගම-කටුවාවල, මොරගහහේන-කොට්ටාව, කොට්ටාව-තලගල, හෝමාගම සහ හංවැල්ල යන මාර්ගවල ධාවනය වන පෞද්ගලික බස් රථ බව වාර්තා වේ.'
-පංචාලි අබේසේකර
