‘සංගමයේ මෝල් හිමියන් 113 දෙනෙක් ඉන්නවා. අද වැඩ කරන්නේ මෝල් 18යි. අපිට මේ පවතින මිලට වී අරන් හාල් දෙන්න බෑ. ව්‍යාපාරයක් ලෙස තවදුරටත් ඉදිරියට පවත්වාගෙන යන්න අවශ්‍ය නිසා දරාගන්න පුළුවන් ව්‍යාපාරිකයන් කීපදෙනෙක් පමණක් පාඩු පිට හාල් මෝල් කීපයක් කරගෙන යනවා.
වී කිලෝවක රජයේ සහතික මිල රුපියල් 35ක් වුණත් පොළොන්නරුව පැත්තේ මහා පරිමාණයෙන් හාල් නිපදවන කීපදෙනා කුඹුරෙදීම ගොවියාගෙන් වී කිලෝව රුපියල් 48කට ගන්නවා. මෙහෙම කරලා ඒ අය වෙළදුන්ට පාලන මිලට වඩා අඩුවෙන් සහල් දෙනවා.මේක නම් විස්මිත රහසක්.
මේ රහස සිල්ලර වෙළෙන්දෝ නම් දන්නවා. කඬේට බිල දාන ගාණට වඩා තවත් ගාණක් අත යටින් අරන් ඔවුන් මිල පාලන නීතියෙන් බේරිලා වැඩි මිලකට සිල්ලර වෙළෙදුන්ට සහල් අලෙවි කරනවා. ඔවුන්ට රජයේ මැති ඇමතිවරුන්ගේ සහාය තියනවා. සහල් වැඩි මිලට වික්කොත් සුළු ව්‍යාපාරිකයාට දඩ කන්න වෙනවා.
මහාපරිමාණ හාල් සපයන්නෝ කීපදෙනෙක් මිල පාලනයට මුවාවෙලා හාල්වලින් විශාල ලාභයක් ලබාගෙන සහල් වෙළදාම් සියතට අරන් තියනවා. ඕකයි තත්ත්වය’ යයිද සභාපතිවරයා සඳහන් කරයි.
