මොණරගල තණමල්විල හි පසුගිය සෙනසුරාදා පැවති 'ගම සමඟ පිළිසඳර වැඩසටහනහිදී ස්වාභාවික විද්‍යාව පිළිබඳ ශාස්ත්‍රඥයෙකු වන වෛද්‍ය වසන්ත වැලිඅංග විසින් කරන ලද යෝජනාවකට ජනාධිපතිවරයා ප්‍රතිචාර දක්වමින් එසේ පවසා ඇත.
වෛද්‍ය වසන්ත වැලිඅංග මහතා මෙම වැඩසටහනේ දී ප්‍රශ්නයක් යොමු කරමින් යෝජනා කළේ ඔෂධීය අරමුණු සඳහා ගංජා හෝ ගංජා පැලෑටි වගා කිරීමට ඇති නීතිමය බාධාවන් ඉවත් කළ යුතු බවයි.
මේ සම්බන්ධයෙන් ප්‍රතිපත්තිමය තීරණයක් ගැනීමේ මාර්ග සොයා බලන ලෙසත් ජනාධිපති රාජපක්ෂ මහතා රාජ්‍ය නිලධාරීන්ට උපදෙස් දුන් අතර එය බලාත්මක කිරීම සඳහා වන වර්තමාන නීතිමය තත්ත්වය පිළිබඳ වාර්තා කරන ලෙසත් දැනුම් දී තිබේ.
ගංජා පැළෑටියේ සශ්‍රීක වර්ධනය සඳහා වඩාත් සුදුසු කාලගුණය හා දේශගුණය ඇති බවට පිළිගත් මොනාරාගල දිස්ත්‍රික්කය වඩාත් සුදුසු ප්‍රදේශයක් බව වෛද්‍ය වැලිඅංග පෙන්වා දුන්නේය. එය ආයුර්වේද හා දේශිය ඖෂධවල භාවිතා කරන 'කංසා, භංගා, ත්‍රෛ ලෝක විජයපත් ආදී නම් කිහිපයකින්ම පුරාණ කාලයේ හඳුන්වා තිබේ. මෙරට ආයුර්වේද හා දේශිය වෛද්‍යවරු සියවසක පමණ කාලයක් තිස්සේ මෙම තහනම ඉවත් කරන ලෙස රජයෙන් ඉල්ලා තිබේ.
මේ වන විට නීතිය ක්‍රියාත්මක කරන බලධාරීන් ගංජා වගා කරන්නන් ජාවාරම්කරුවන් ලෙස සලකන අතර ඔවුන් අත්අඩංගුවට ගෙන මෙම බෝග විනාශ කිරීම කරයි.
