මෙහිදී දිනයේ ගනුදෙනු අවසානයේ දී සියලු කොටස් මිල දර්ශක අගය ඒකක 7,922.66 ක් ලෙසින් දැක්වුණු අතර එය පෙර දිනයට සපේක්ෂව ඒකක 188.09 ක ඉහළ යාමක් වේ.

මීට පෙර සියලු කොටස් මිල දර්ශකයේ වැඩිම අගය 2011 පෙබරවාරි 14 දින වාර්තා වූ අතර එම අගය ඒකක 7,811.80 කි.

අද දින රු. බිලියන 12.18 ක ගනුදෙනු පිරිවැටුමක් වාර්තා විය. එහිදී එක්ස්පෝලංකා (රු. බි. 1.55), බ්‍රවුන්ස් ඉන්වෙස්ට්මන්ට්ස් (රු.බි. 1.35), LOLC හෝල්ඩිංග්ස් (රු.බි. 1.31) සමාගම්වලින් රුපියල් බිලියනය ඉක්මවූ කොටස් ගනුදෙනු වාර්තා වී තිබුණි.

මේ අතර අද දින කොටස් ගනුදෙනු 65,520 ක් වාර්තා වී තිබෙන අතර එය මෙතෙක් ඉතිහාසයේ තනි දිනක් තුළ සිදුවූ වැඩිම ගනුදෙනු සංඛ්‍යාව වේ.