කොවිඩ් 19 වසංගත තත්වය පැතිරීම මත විශේෂ රාජ්‍ය සමාවක් යටතේ දඩ මුදල් නොගෙවා බන්ධනාගාර වල සිටින සියලුම සිරකරුවන් අද දිනයේම නිදහස් කිරීමට ජනාධිපතිවරයා තීරණය කර තිබෙනවා. එය අද දිනයේම ක්‍රියාවට නංවන බවයි බන්ධනාගාර දෙපාර්තමේන්තුවේ මාධ්‍ය ප්‍රකාශක, චන්දන ඒකනායක මාධ්‍යට පවසා සිටියේ.
තවද බන්ධනාගාර මාධ්‍ය ප්‍රකාශකවරයා පවසා සිටියේ නිදහස හිමිවන රැදවියන් සියලු දෙනා හට PCR පරීක්ෂණ සිදුකරන බවත්, එම පරීක්ෂණ වාර්තා වලින් කොරෝනා ආසාදනය නොවූ රැදවියන් පමණක් නිදහස් කරන අතර ,යම් රැදවියකට PCR පරීක්ෂණයෙදී කොවිඩ් අසාදිත බව තහවුරු වුවහොත් එම රැදවියන් නිරෝධායන මධ්‍යස්ථාන වලට යොමු කර අවශ්‍ය ප්‍රතිකාර කිරීමෙන් අනතුරුව සුව වූ පසු නැවතත් PCR පරීක්ෂණයක් සිදු කොට නිදහස් කරන බවත් ඔහු පවසා සිටියා.
එම නිසා කිසිවෙකුත් නිදහස් කරන රැදවියන් පිළිබදව බියවිය යුතු නැති බවද බන්ධනාගාර මාධ්‍ය ප්‍රකාශකවරයා ජනතාවට දැනුම්දෙයි.
-පංචාලි අබේසේකර
