තලංගම පොලිස් ස්ථානයට ආසන්න ප‍්‍රදේශයකදී වැටලීම සිදුකළ බවයි විශේෂ කාර්ය බලකාය සඳහන් කළේ. අත්අඩංගුවට ගත් පුද්ගලයා මේ වනවිට ඉදිරි විමර්ශන කටයුතු සඳහා තලංගම පොලීසියට භාරදී තිබෙනවා.
මේ අතර ඊයේ දිනයේදී අම්බලන්ගොඩ තිලකපුර ප්‍රදේශයේදී මත්කුඩු කිලෝග්‍රෑම් 1 යි ග්‍රෑම් 610 ක් සමග සැකකරුවෙකු අත්අඩංගුවට ගැනීමට පොලීසිය සමත්වුණා. එම මත්කුඩු තොගයේ වටිනාකම රුපියල් කෝටි එකහමාරක් පමණ වන බවයි පොලීසිය සදහන් කළේ. අත්අඩංගුවට ගත් සැකකරු ගාල්ල දිස්ත්‍රික් ක්‍රිකට් සංගමයේ හිටපු සභාපති හැලඹගේ ප්‍රේමසිරි මහතා ඝාතනය ඇතුළු ඝාතන රැසකට සම්බන්ධ දැනට රක්ෂිත බන්ධනාගාර ගතව සිටින පාතාල දසුනා නමැත්තාගේ මත්කුඩු ජාවාරමේ කොටස්කරුවෙකු වන බවයි සදහන් වෙන්නේ.