අමාත්‍යවරයා මේ බව පැවසුවේ ශ්‍රී ලංකා පොදුජන පෙරමුණු පක්ෂ නායක මාධ්‍ය හමුවේදී විපක්ෂය විසින් සිදු කරනු ලබන ප්‍රකාශයන් සම්බන්ධයෙන් අදහස් දක්වමිනි. අමාත්‍යවරයා එහිදී අදහස් දක්වමින් වැඩිදුරටත් කියා සිටියේ යහපාලන ආණ්ඩුවේ සමස්ත කැබිනට් මණ්ඩලය විසින් සාමුහිකව මෙරට කෘෂිකර්මය, සෞඛ්‍යය, අධ්‍යාපනය වැනි අංශයන් විනාශ මුඛයට ඇද දමමින් තීන්දු හා තීරණයන් ගනු ලැබූ බවයි. එමෙන්ම රටේ භාවිත මුදල් නෝට්ටුව නිකුත් කෙරෙන ආයතනය සම්බන්ධව පවා ජනතාව තුළ විශ්වාසය පළුදු වන අන්දමට මහබැංකුව මංකොල්ල කෑ යහපාලනයේ එක් සාමාජිකයෙකු පිළිබද විපක්ෂ නායකවරයා විවිධ ස්ථාන වල සිදු කරනු ලබන ප්‍රකාශ සම්බන්ධයෙන් ඕනෑම මාධ්‍යයකින් ප්‍රබුද්ධ සංවාදයකට පැමිණෙන ලෙසද අමාත්‍යවරයා එහිදී අභියෝග කර තිබේ.